1Mohla wola ge Morena a buša mathopša a Tsione re be re le bjalo ka ba ba lorago.
2Ke ge melomo ya rena e tletše lesego, mme maleme a rena e le a mekgolokwane. Mohla woo baditšhaba ba ba ba re: Batho ba Morena o ba dira tše kgolo!
3Tše Morena a re dirilego tšona ke tše kgolo; re batho ba ba thabilego.
4Morena, hle buša mathopša a rena, wa dinoka tša mahanateng.
5Ba go bjala ka megokgo ba tlo buna ka mekgolokwane.
6Go ya ba ya ba lla, ba swere peu ba bjala; go boa ba tlo boa ka mekgolokwane, ba rwele dingata tša bona.
Who We AreWhat We EelieveWhat We Do
2025 by iamachristian.org,Inc All rights reserved.
