DIPSALME 125 - Northern Sotho 1951/1986（NSO51）

Go tia ga ba ba botilego ModimoSefela sa maeto.

1Ba ba botilego Morena ba etša thaba ya Tsione ye e sa šuthego.

2Motse wa Jerusalema, mogoragorwa ke dithaba; le Morena o goragorela setšhaba sa gagwe mehleng ya bjalo le ya neng le neng.

3Gobane sefoka sa bakgopo se ka se ke sa dula mo nageng ya ba ba lokilego, gore baloki ba se tlo iša diatla bobeng.

4Morena, šetša ba bolo le ba go loka dipelong tša bona.

5Fela, ba go aroga ka tsela tše kgopo tša bona, Morena o ba lesa ba tloga le badiradibe. Khutšo a e be go Isiraele.