1Sefela sa Difela sa Salomo.
2A a ke a nkatle ka katlo ya molomo wagwe, gobane lerato la gagwe le feta morara ka bose.
3Ditlolo tša gago di monkomonate. Ina la gago ke setlolo ge se tšhologile; dikgarebe di go rata ka baka leo.
4Nkgoge, re akgofe, ke go šale nthago. Kgoši o nkiša mo ngwakong wa gagwe. Re tlo hlalala ra go thabela, ra tlotla lerato la gago lephalamorara. Ka kgonthe o ratilwe.
5Hee lena barwedi ba Jerusalema! Nna ke e moso; ke a ratega; ke le bjalo ke etša mekutwana ya Kedara, ke etša mašira a Salomo.
6Le se ke la mpona boso; ke fišitšwe ke letšatši. Bana ba mmane ba be ba mpeka, ba ntira moleti wa dirapa tša morara; mme sa ka serapa ka se hlwe ke se leta.
7Hee wena moratwa wa pelo ya ka! Hle mpotše mo o fudišago, mo o tlogo hutamiša mosegare, ke se tlo lewa ke dihlong ke etla mehlapeng ya bagwera bago.
8Ge o sa go tsebe, wena yo botse go basadi, o lote mehlala ya nku, o diše diputšana tšago mo merakeng ya badiši.
9Wena moratwa wa ka! Ke go swantšha le dipitsi tša koloi tša Farao.
10Dithama tša gago di kgahla ka dingangane; molala wa gago o kgahla ka pheta.
11Re tlo go direla dingangane tša tshipi e khwibidu, ra di goma ka tša tshipitshehla.
12Ya tlo re ge kgoši e dutše le ba bagolo, gwa tlo kwala monko wa setlolo sa ka.
13Moratwa wa ka o tlo etša maroke a ke a beilego sehubeng sa ka.
14Moratwa wa ka ke mmona eke ke lešihla la matšoba a rapeng tša merara ya Engedi.
15Wena moratwa wa ka! Ka kgonthe o yo botse; mahlo a gago e etša a mphepane.
16Yo botse ke wena moratwa wa ka; ke wena o nkgahlago; re dutše bodulo bjo botalana.
17Diphofo tša nywako ya rena e le hlare tša morokwana, dikota e le hlare tša megobogobo.
Who We AreWhat We EelieveWhat We Do
2025 by iamachristian.org,Inc All rights reserved.
