HESEKIELE 19 - Northern Sotho 1951/1986（NSO51）

Sello sa Joahase le Tsedekia

1Bjale wene hlatloša sello o llele babuši ba Isiraele, o re:

2A mmago, tau e tshadi, Mopatlamagaregaditau! Moalošabanagaraditawana!

3Ngwana e mongwe wa yona e mo alošitše ya ba tau ya lesogana, ya tseba go swara phoofolo, mme le batho ya ja.

4Ditšhaba tša e swara ka moreo wa bona, tša e tsenya mogala nkong, tša e iša Egipita.

5Mmayo ge e bona di padile, e senyegetswe ke lehutšo, ya hlaola e nngwe tawana, ya ba yona taulesogana.

6Yona ya šataka e le gare ga ditau, ya ba tau ya ledumaedi, ya tseba go swara phoofolo, mme le batho ya ja.

7Gwa ata basadi ba bahlologadi, ya thosanya metse ya bona; naga -- ka go bopa ga yona -- ya šala e le ya marope fela.

8Ba ditšhaba le dilete tša mathoko ba tla ba e dika, ba e tiela gare ka malokwa, ya wela moreong wa bona.

9Ba e tsenya mogala nkong, ba e iša kgolegong go kgoši ya Babele; ba e agelela ka merako, gore mo thabeng tša Isiraele, go se hlwe go kwala ge e bopa.

10Mmago o etša morara, o medile boka wene mo nokeng; o enywa, o a hloga o le meetseng a mantši.

11O na le dithabe tše de tiilego, ya ba mahlotlo a babuši; wa gola wa ema o dikologilwe ke mahlare, ya ba sebogelo ka bogolo le go tlala matlakala.

12Gomme wa tomolwa ka kgalefo, wa lahlelwa fase; phefo ya bohlabatšatši ya tšhuma bana ba wona; dithabe tše di bego di tiile tša robiwa, tša ba tša omelela, tša tšhungwa ka mollo.

13Bjale o šemilwe lešokeng, nageng e omilego ya lenyora.

14Dithabeng tša wona go hlagile mollo, wa tšhuma dienywa tša wona. Ga o sa ne dithabe tše di tiilego, tša mahlotlo a babuši. Ke sona sello; e tlo fela e le sello.