1Tlang le gobeleng Morena mogobo, re hlalalele lentswe la go re phološa.
2A re lebaneng le yena ka go mo leboga, re mo goloke ka difela.
3Gobane Morena ke Modimo o mogolo, ke kgoši e kgolo, Mmuši wa medimo yohle.
4Yo bonami bja lefase bo lego seatleng sa gagwe, le maphagamo a dithaba a lego a gagwe.
5Lewatle le lona ke la gagwe, gobane o le dirile; le dinaga di dirilwe ke seatla sa gagwe.
6Tlang re rapele, re iname, re khuname pele ga Morena e a re dirilego.
7Modimo wa rena ke yena; mme rena re setšhaba sa phulo ya gagwe, re mohlape wa seatla sa gagwe. E ka be lehono le ekwa lentšu la gagwe!
8Se reteleng dipelo boka mola Meriba, boka mohla wola wa kua Masa lešokeng,
9Mo botataweno ba kilego ba nteka, ba etšiša, le ge ba bone ditiro tša ka.
10Ka fetša masome a mane a nywaga ke kgotlelela ba moloko woo, ka re: Ke setšhaba sa dipelo di felago di timela; mme ditsela tša ka ga ba di lemoge.
11Ka ba ka ena ke befetšwe ka re: Ba ka se ke ba ba ba tsena makhutšong a ka.
Who We AreWhat We EelieveWhat We Do
2025 by iamachristian.org,Inc All rights reserved.
