1Wa lehlogonolo ke mosetšamohloki; ka mohlamobe o tlo namolelwa ke Morena.
2Morena o tlo mo lotola, o tlo mo phediša a letlega lefaseng; a ka se mo lahletše ge manaba a befetšwe.
3Ge a babja a le dilaong, Morena o tlo mo thekga; go lala ga gagwe a le bohlokong -- Morena o tlo phekgola tšohle.
4Nna ke re: Morena, nkgaugele o mphodiše pelo, gobane ke go sentše.
5Manaba a ka a mpolela ka tše mpe, a re: O tlo ba a hwa neng, leina la gagwe la fela?
6E a tlago go ntlhola o a ikgakantšha; pelo ya gagwe e kgoba ditshele, tše e rego ge a tloga a yo di bolela kua ntle.
7Bahloi ba ka bohle ge ba sebelana, ba lakana go ntlholela bobe.
8Ke polelo ya matšopša ba namago nayo, ba re: Ge a robetše a le fao, a se ke a tsoga gape!
9Le yola, mogweraka yo bohloko, yo ke bego ke mmotile, e a bego a eja bogobe le nna, o ntlhanogetše a fulara.
10Mme wena Morena, nkgaugele mme o ntsoše o nkemiše, ke kgono ba lefetša.
11Ge lenaba la ka le sa hlwe le thaba ka nna, ke mo ke tlogo bona ge o nthata.
12Gomme nna, ge o nthekga ke se ne molato, o tlo nkemiša pele ga gago go ya go ile.
13Moretwa ke Morena Modimo wa Isiraele go tloga mehleng le neng le neng. Amen, Amen.
Who We AreWhat We EelieveWhat We Do
2025 by iamachristian.org,Inc All rights reserved.
