DIPSALME 26 - Northern Sotho 1951/1986（NSO51）

Kgopelo ya go re Morena a ntiiše go lokengYa Dafida.

1Morena, nkahlolele, gobane ke swere ka tsela ke ila bosodi; ke botile wena Morena, ka se ke ka thiša.

2Morena, nnyakorele o mphetleke; lekola dipshio tša ka le pelo ya ka.

3Gobane ke itebanya le botho bja gago; ke itshepeletše therešong ya gago.

4Ga ka dula le batho ba maaka; ga nka ka ya le ba bomenetša.

5Ke hloile pitšo ya ba babe; ga ke dule le bakgopo.

6Ke hlapa diatla ka go ila bobe, ka tseba go batamela aletare ya gago, Morena.

7Ka kgona go kwatša lentšu la go leboga, ka anegela batho mehlolo ya gago ka moka.

8Morena, ke rata maago a Ngwako wa gago le felo mo go dutšego letago la gago.

9O se ke wa ola moya wa ka gotee le badiradibe, le ge e le bophelo bja ka gotee le bana ba madi,

10bao diatla tša bona di nago le bohlola, le matsogo a bona a tlala ka mphompe.

11Ge e le nna ke nama ke ila bosodi. Mphološe o ntire ka botho.

12A dinao tša ka di eme molaleng; ke go rete, Morena, ke le mo diphuthegong.