1Gwa fetola Bilidada wa Sua, a re:
2O tlo kgaotša neng go re anegela dilo tšeo? Mantšu a molomo wago a tlo lesa neng go etša ledimo go duma?
3A o re Modimo a ka kgopamiša dikahlolo? A o re Yomaatlakamoka a ka kgopamiša toko?
4Ge bana bago ba mo sentše, gona o ba gafetše mo ba bego ba selela gona.
5Bjale ge wena o ka pelofalela go nyaka Modimo, mme wa rapela Yomaatlakamoka,
6o se ne bosodi, o lokile, gona o tlogo phafogela, a tsoša lapa lago ka baka la bothakga bja gago.
7Gomme tše o bego o na natšo e tlo ba tše nyenyane, ge go ata tše di tlogo go tlela.
8O ka be o latiša meloko ya ba kgale, wa hlokomela tša go lemogiwa ke borrabo.
9Rena re ba maabane fela, ga re tsebe selo; matšatši a rena faseng a fo etša thiti.
10Ba kgale a ba ka se go rute, ba bolera nago, ba tšweletša dipolelo dipelong tša bona?
11Afa mohlahla o ka mela ge go se mohlaka? A lehlakanoka le ka gola mo go sego meetse?
12Le ka oma e se le lekgaba, le sešo la butšwa bjang bjo bongwe e sa le botala.
13Bagakwa-Modimo ba ya ka tsela yeo bohle; e ba go senyega ga kholofelo ya ba babe.
14O kgantšha lefela, o bota bolepu bja segokgo.
15O ithekga ka ngwako wa gagwe, wa se ke wa ema; o itshwarelela ka wona, a hwetša o sa tia.
16O etša lehlogedi letšatšing; mme thabe tša gagwe di nabile serapeng sa gagwe.
17Medu ya gagwe e rara lerako; o bona e le ngwako wa maswika.
18Mohla a tomolwago, felo moo go šala go latola go re: Ga ka mmona.
19Soo ge mothabelo wa tseleng ya gagwe; gomme mobung go šala go hloga yo mongwe.
20Tseba, Modimo ga lahle yo bolo ba babe ga ba nee kgopu.
21Ganong ga gago go tlo ba gwa tlala disego; molomong wa gago gwa tlo tlala a tlhalalo.
22Babeki ba gago ba tlo apešwa tša dihlong; mme motse wa ba babe o tlo ba o se gona.
Who We AreWhat We EelieveWhat We Do
2025 by iamachristian.org,Inc All rights reserved.
