DIPSALME 84 - Northern Sotho 1951/1986（NSO51）

Go ratega ga meago ya ModimoYa mohlabeledi, ka pela ya Gathe. Sefela sa barwa ba Kora.

1Meago ya gago ga se ka go ratega Morena wa mašaba!

2Moya wa ka o goletšwe, o hlologetšwe kgoro tša Morena; mme pelo ya ka le mmele wa ka di hlalalela yena Modimo a phelago.

3Nonyana e bone ngwakwana wa yona; peolane e bone sehlaga sa yona; ke dialetare tšago, Morena wa mašaba, Kgoši ya ka, Modimo wa ka.

4Ba lehlogonolo ke ba ba dulago mo Ngwakong wa gago, mme ba go reta ka mehla.

5Ba lehlogonolo ke batho bao o lego maatla a bona, ba eleletša tselatsela.

6Ba sepela moeding wa diilo, ba o dira wa didiba; le pula ya o atlaletša tšhegofatšo.

7Ba tsoga ba ne maatla, ba okeletšwa maatla, ba yo bonala go Modimo kua Tsione.

8Morena Modimo wa mašaba, kwaa thapelo ya ka. Modimo wa Jakobo, ntshekegele tsebe.

9Modimo, o kotse ya rena! Lebelela o bone sefahlogo sa yo o mmeilego kgoši.

10Gobane letšatši letee re le malapeng a gago, ke lona le lebotse go matšatši a sekete. Go ema mojako Ngwakong wa Modimo wa ka go phala go dula ka ntlong tša bakgopo.

11Morena ke yena letšatši le kotse. Tše di botse le bogolo motho o newa ke yena. Ba sepelago ka go loka a ka se ba hlokiše tše dibotse.

12Morena wa mašaba, e a go botilego ke motho wa lehlogonolo.