DIPSALME 15 - Northern Sotho 1951/1986（NSO51）

E a kago batamela ModimoSefela sa Dafida.

1Morena, mo Ngwakong wa gago go ka dula mang? Thabeng e kgethwa ya gago go ka aga mang?

2Ke yo a swerego tsela ya bothakga, a dira tša go loka, a bua therešo ka pelo,

3wa leleme leiladitshele, wa go se senye e mongwe, wa go se goboše wa gabo.

4Ke eo wa go getla selalogi, a godiša ba go boifa Morena; wa go se hlanoge ge go thatafala se a se ennego.

5Ke eo a sa jego batho ka kadimo, a sa dumelego tsogolekobong ge go begwa motho a se ne molato. Wa mokgwa o bjalo a ka se ke a ba a šutha neng le neng.