DIEMA 13 - Northern Sotho 1951/1986（NSO51）

Diema tša Salomo

1Ngwana yo bohlale o laiwa ke tatagwe; mokweri ga kwe ge a kgalwa.

2Motho tše botse o di ja e le kenyo tša molomo wagwe; mohlanogi o kganyoga tša tlhakolo.

3Molotamolomo o diša bophelo; moahlami o a itshenyetša.

4Mollaahloka, pelo ya sebodu; go hora pelo ya seroto.

5Moloki o nyatša puo ya maaka; e mobe o goboga a leša dihlong.

6Toko e diša molokaletsela; bobe bo uša mong wa bjona.

7Go na le bakgantšhalehumoleseo, le bo mmatabodiidi mola ba humile kudu.

8Mohumi, selefa ke thoto; mmotlana ga a kwe mokgoši.

9Lebone la moloki le a kganya; mohlale ke moeletšegi.

10Letšeke le tsoša kgang fela; mohlale ke moeletšegi.

11Lehumoletlakalefela le a notlega; go ata la mokgobakadiatla.

12Sellelwaseletetši se lwadiša pelo; seletelwa sa fihla, ke sehlare sa bophelo.

13Nyatšantšu o a itahla; moifamolao o fiwa moputso.

14Thuto ya mohlale ke mothopo wa bophelo; e go efoša moreo wa lehu.

15Kelello e bolo e tšweletša botho; tsela ya mohlanogi ke letlapa.

16Mohlalefi tšohle o di dira ka kelello; setlatla se falatša tša bošilo.

17Motseta e mobe o wela bošuleng; morongwammotegi ke moreku.

18Palabalai o tlo senyala a gobaga; modumelatsholo o tlo retwa.

19Sellelwa ge se tla se tsefela pelo; mašilo a nyenywa ge a thwe a lahle bokgopo.

20Šika le bahlale o hlalefe; mokgonanalemašilo o tlo tshereana.

21Badiradibe ba tlo hlomarelwa ke dikotsi; baloki ba boelwa ke tše botse.

22Bohwa bja moloki ke bja bana ba bana; menono ya modiradibe e beetšwe moloki.

23Serapana sa modiidi se ntšha dijo ka boati; go na le ba go lewa ke kilamolao.

24Mohlokišangwanakgati o mo hloile; e a mo ratago o tsogela go mo laya.

25Moloki ke mojaakhorapelo; mpa ya yo mobe e maleka.