1Morena o re: Le kae lengwalo la tlhalo ya mma weno, le ke mo hladilego ka lona? Ke mang wa go mpeela molato, ka lefa ka go ntšha bolena? Aowaa, le rekišitšwe ka molato wa lena; mma weno o hladilwe ka baka la karogo tša lena.
2Ke ka baka lang ke sa ka ka hwetša motho ke etla? Ka bitša, gwa hlokwa e a arabago? A letsogo la ka le hlaetše ka šitwa go phološa? Hleng ke pšheša lewatle ge ke kgalema, dinoka ke di dira naga ye e omilego, le dihlapi tša tšona di nkge ka go hloka meetse, di hwile ka lenyora.
3Ke nna ke apešago magodimo boso, ka a rulela ka mankgeretla.
4Morena Mongaka o mphile leleme la ba rutegilego, gore ke tsebe go thekga molapi ka go bolela nae. Ka mehla o ntsoša e sa le ka moswana, o mphafoša tsebe gore ke theetše bjalo ka morutiwa.
5Morena Mongaka o nthibolotše tsebe; nna ke se gane, ke se boele morago.
6Mokokotlo wa ka ke o neetše baotli: dithama tša ka ke di neetše ba go ntlhotha maledu, sefahlogo sa ka ga ka se šegela mahlapa le mare.
7Morena Mongwaka a nthuša, ke se šegamišwe, ka thatafatša sefahlogo sa ka boka lentswetshipi, ka tseba gobane nka se lewe ke dihlong.
8Monkahloledi o kgauswi; ke sa tlo sekišwa ke mang? A re yo gahlana; mompegi ke mang? A a batamele fa.
9So Morena Mong wa ka, o ema le nna; ke mang a kago ntahla? Tsebang gobane ka moka ga bona ba tlo onala boka kobo, ba tlo lewa ke tshwele.
10Mo go lena e a šiago Morena, a kwe lentšu la mohlanka wagwe. E a sepelago maswiswing a sa bone seetšanyana, a holofele ina la Morena, a ithekge ka Modimo wa gagwe.
11Ka kgonthe, lena bafehlamollo ka moka, baithlamakadirumula, yang le tsene dikgabong tša mollo wa lena le tša dirumula tše le di gotetšago. Di le tlela ka seatla sa ka; le tlo rapalala mahlokong.
Who We AreWhat We EelieveWhat We Do
2025 by iamachristian.org,Inc All rights reserved.
