1Homotšang setšhaba sa ka! Se homotšeng! O realo Modimo wa lena.
2Bolelang le Jerusalema wa go mmea pelo, le mo goeletše le re: Tlhabano ya gagwe e fedile, gobane molato wa gagwe o lefilwe; gobane tše a di bonego ka seatla sa Morena ke go otlwa gabedi ka baka la dibe tsa gagwe ka moka.
3Lentšu la segoeledi le re: Lekelelanyang tsela ya Morena lešokeng; molaleng le lokiše mmila wa Modimo wa rena!
4Dikoti ka moka di tlatšwe; dithaba le meboto a di kokobetšwe; go kgopamilego a go loke; mo go lego makukuno a go latšwe.
5Ke mo letago la Morena le tlogo bonala; mme nama ka moka e tlo le bona; gobane go boletše molomo wa Morena.
6Lentšu la re: Goelela! Ka re: Ke goelele dife? -- Nama ka moka ke bjang, botse bjohle bja yona bo ka letšoba la naga.
7Bjang bo a omelela, letšoba le a pona, ge moya wa Modimo o di hwetša. Ka kgonthe, batho ke bjang.
8Bjang bo a omelela; letšoba le a pona; gomme lentšu la Modimo wa rena le eme neng le neng.
9Tsione, wene segoeledi sa tše botse, namela thaba e telele, Jerusalema, wene segoeledi sa tše botse, hlaboša lentšu ka maatla; goelela, o se boife; botša metse ya Juda o re: Soo Modimo wa lena!
10Soo Morena Mong wa bohle; o etla e le yo maatla; o buša ka tsogo la gagwe; tefetšo ya gagwe e mo etile pele.
11Mohlape wa gagwe o tlo o diša bjalo ka modiši; dikwanyana o tlo di goboka, a di kuke a di gokaretše, a hleke tše di amušago.
12Ke mang e a elago lewatle ka seatla? A ela legodimo ka menwana? A olela mabu ohle a lefase serotong? Dithaba le meboto a di ela boima?
13Ke mang molaya moya wa Modimo? Moeletši wa gagwe ke mang a kago mo ruta?
14O loga maano le mang, a lemošwa a rutwa tsela ya toko, a rutwa tsebo, a laetšwa tsela ya tlhaologanyo?
15Hleng ditšhaba di bjalo ka lerotholodi le le šaletšego kgamelong! Di bjalo ka lerojanyana le le šaletšego leselong! Hleng le dihlakehlake di fo ba lekokota le a le topago.
16Masodi a Libanoni ga a lekana sebešo, le diphoofolo tšhole tša gona ga di a lekana sedimo.
17Ditšhaba ka moka ge o ka di bapetša le yena, ga di selo, ga dio, ke lefelafela.
18Modimo le ka mmapetša le mang? A ka swantšhwa ka eng?
19Seswantšho se dirwa ke mmetli, morudi a se manege ka tshipi e khwibidu, a se apeše dingangane tša tshipi e tshehla.
20Mohloki e a hlaelwago o tše kwata ye e sa bolego, a nyaka mmetli wa go mo direla swantšho se se sa kgwehlego.
21A ga le tsebe? A ga lešo la kwa e sa le mola kgale? A ga lešo la lemoga metheo ya lefase?
22Ke yena Kokamathetebudi-ya-lefase; mme ba dutšego mo go lona re ka tšie; Moanegaratadima boka kobo, a le bea boka hlaka ya go khuta ka go yona.
23Yo e rego ge a gafa kgoši, e be lefela; le babuši ba lefase a ba dira e sego ba selo.
24E re ba sa tšo hlongwa, ba sa tšo šengwa, ba sešo ba hlaba medu, a ba budule ba omelele, mme phefo e ba tšee boka moko.
25Le ka mpapetša le mang yo nkago swana nae? O realo Mokgethwa.
26Llalang le bone tša kua godimo; ke mang e a di hlodilego, a di ntšha bjalo ka mohlape wo o badilwego? A di bitša tšohle ka maina, mo go boati bjo bokaakaa gwa se hlokwe le setee, ka gobane e le yo maatla a magolo.
27Wene Jakobo! Wene Isiraele! Ke ka baka lang ge o re: Tsela ya ka Morena ga e tsebe; tše nna ke di dirwago Modimo wa ka ga di šetše.
28A ga o tsebe? A ga o ešo wa kwa? Morena ke Modimo wa neng le wa neng, Mohlodi wa megomo ya lefase; ga a lape, ga a fele maatla, ke yo thlaloganyo e sa fihlelwego.
29Ba ba lapilego o ba nea maatla, ba ba fokolago o ba kgoniša tše ntši.
30Masogana a a lapa a kgathala, le ba maatla ba a kgopša ba wa.
31Ge e le baholofedi ba Morena bona ba fiwa maatla a mafsa, ba hlatloga boka nong; ba kganyela ba sa lape, ba sepela ba sa fele maatla.
Who We AreWhat We EelieveWhat We Do
2025 by iamachristian.org,Inc All rights reserved.
