1Modulathoko o ile le boithatelo; tše bjobana tšohle o ganana natšo.
2Lešilo ga le rate tlhaloganyo; le rata go utolla tša pelong ya lona.
3Motho e mobe, ge a tla o tliša dihlong; kgobogo e tla le nyatšego.
4Polelo tša molomo wa monna ke bodiba, ke noka e elago, mothopo wa bohlale.
5Go lwela sesenyi kgorong ga go botse; ke go lahla yo bolo tshekong.
6Melomo ya setlatla e iša kganyeng; molomo wa sona o bitša dikotlo.
7Molomo wa setlatla o se iša tshenyegong; moreo o tlo go se tanya ke gano la sona.
8Mantšu a sehwirihwiri a etša diakolo; a fologela kwa gare maleng.
9Motšwafelatirotšagwe ke ngwanabomotšitlanyi.
10Ina la Morena ke sebo se sethata; moloki o tšhabela gona a phologa.
11Mohumi o re sebo ke lehumo, o re ke morako o mogolo.
12Boipoti bja pelo ya motho bo mo iša thobegong; boipoetšo bo latelwa ke bogolo.
13Mofetolalentšu a sešo a kwišiša, o tlo dira tša bošilo tša mo iša dihlonyeng.
14Pelo e thekga motho bolwetšing; pelo e nyamilego e ka rwalwa ke mang?
15Pelo ya tlhaloganyo e tlo sela tsebo; tsebo tsongwa ke tsebe ya mohlale.
16Mpho e bula tsela; e fihliša motho go bagolo.
17Mmegimoraki o a dumelwa; go tlo tla wa gabo a mmotšolodiša.
18Tengwa a le ripe kgang, le namole ba matla.
19Wa geno, ge o mo lahlile, o tlo pala boka sebo; lehloyo le etša mepheko ya kgoro.
20Mpa ya motho e tlo khora kenyo tša legano lagwe; o tlo khora ge a buna tše a di bjetšego ka molomo.
21Lehu le bophelo di atleng tša leleme; kenyo ya lona e lewa ke a le setšago.
22Mosadi, ge o mo hweditše, o hweditše bolo, o seditšwe ke Morena.
23Mmotlana ke morapeletši; e thata phetolo ke ya mohumi.
24Boati bja bagwera bo tliša tshenyegelo; go na le moratwammotegi mophalangwana weno.
Who We AreWhat We EelieveWhat We Do
2025 by iamachristian.org,Inc All rights reserved.
