1Morena Mong wa bohle o re: Kgoro ya lapa la ka gare e lebilego bohlabela, e dule e tswaletšwe ka matšatši a selelago a mediro; ka la Sabatha e bulwe; le ka la kgwedi e mpsha e bulwe.
2Kgoši ge e tsena ka tsela ya mathuding, e eme moo meswikong ya kgoro ge baperisita ba sa hlaba sehlabelo sa yona sa go fišwa le sa seleboga; kgoši e tsebo khumama ka moo serepoding sa khoro e lotšha; e be gona e tšwago. Kgoro e se ke ya tswalelwa go fihla mantšiboa.
3Le setšhaba sa naga se rapele mojakong wa kgoro yeo pele ga Morena ka disabatha le ka kgwedi e mpsha.
4Sehlabelo sa go fišwa se kgoši e se tlišetšago Morena ka la Sabatha, e be kwana tše di selelago tše di se nago bosodi, le kgapana e se nago bosodi.
5Sebego e be Efa ya bupi e tlatšago kgapana; dikwana di tlatšwe ka dibego tše seatla sa gagwe se kago di ntšha; Efa ya bupi e tlatšwe ka lefišwana la makhura.
6Ka la kgwedi e mpsha kgoši e tliše namane ya powana e se nago bosodi, le kwana tše di selelago, le kgapana; e be tše di se nago bosodi.
7Ge a tliša sebego seo sa powana, a se tlatše ka Efa ya bupi, le kgapana a e tlatše ka Efa. Ge e le dikwana tšona a di tlatše ka se seatla sa gagwe se kago se ntšha; Efa ya bupi a e tlatše ka lefišwana la makhura.
8Ge kgoši e tsena, e tsene ka tsela ya mathuding; le go tšwa e tšwe ka yona tsela yeo.
9Setšhaba sa naga ge se tla pele ga sefahlogo sa Morena ka menyanya, e a tsenago ka kgoro ya leboa a rapela, a tšwe ka kgoro ya ka thoko ya borwa; e a tsenago ka ya borwa a rapela, a tšwe ka ya thoko ya leboa. Ba se ke ba tšwa ka kgoro ye ba tsenego ka yona; ba tšwe ka ye e ba lebantšego.
10Kgoši e tsene ga mmogo le setšhaba; le go tšwa e tšwe gammogo le setšhaba.
11Ka mabaka a menyanya le a go phuthega, sebego e be powana e tlatšwago ka Efa ya bupi, le kgapana e tlatšwago ka Efa; ge e le dikwana di tlatšwe ka tše motho a kago di ntšha; Efa ya bupi e tlatšwe ka lefišwana la makhura.
12Ge kgoši e tlišetša Morena sebego sa go ithapa, e ka ba sehlabelo le ge e le seleboga se se tlišwago ka go ithapa, gona kgoši e bulelwe kgoro yeo ya thoko ya bohlabela, e tliše dibego tša yona tša sehlabelo le ge e le seleboga, ka mo e dirago ka tšatši la Sabatha. Ge e tšwele, kgoro e tswalelwe.
13Ka tšatši le lengwe le le lengwe le tlišetše Morena sehlabelo sa kwana ya ngwaga o tee e se nago bosodi.
14Le tliše le sebego sa dijo ka moswana o mongwe le o mongwe; e be bupi bja sa boselela sa Efa, le makhura a sa boraro sa lefišwana a go duba bupi bjoo; e be sona sebego sa Morena sa ka moswana. Ke molao wa mehla yohle,
15Wa sehlabelo sa kwana sa ka moswana, le sebego sa dijo le makhura; e be sona sedimo sa ka mehla.
16Morena Mong wa bohle o re: Ge kgoši e ka arolela e mongwe wa barwa ba yona naga ya yona, gona e tlo ba ya barwa ba yona, gona e tlo ba ya barwa ba yona, ya ba bohwa bja bona.
17Fela, ge kgoši e ka arolela mohlanka wa yona naga, e tlo ba ya mohlanka eo go fihla ngwageng wa khunollo, ya tsebo boela go kgoši; bohwa ke bjo e tlo bo nea barwa ba yona.
18Kgoši e se ke ya tšea naga e lego ya setšhaba, ya amoga motho bohwa. Barwa ba yona e ba arolela naga ya yona, setšhaba sa ka se se tlo amogwa magae.
19A nkiša matsenong a lego hleng le kgoro ya diphapošing tše kgethwa tše di lebilego leboa tša baperisita; ka hwetša go na le sebakamoseo se se lebilego bodikela.
20A mpotša a re: Ke mo baperisita ba tlogo apeela didimo tša dilefa le diboelanyi le dibego, ba se tlo di ntšhetša lapeng la ka ntle, ya tlo ba go iša seila bathong.
21Ya ba gona a nkišago lapeng la ka ntle, a nthethiša le dikhutlo tše nne tša lona; ka hwetša sekhutlong se sengwe le se sengwe go na le lapana.
22Malapana ao a dikhutlong a be a na le leboto; botelele e be e le meelo e masome a mane, bophara e le masome a mararo; a be a lekana bone bja ona.
23Maboto a be a na le modutudu wo o agilwego ka maswika, mo go bego go kgerilwe dibešo thoko tšohle.
24A mpotša a re: Tše ke tšona dibešo, mo badiredi ba Ntlokgethwa ba tlogo apea dihlabelo tša setšhaba.
Who We AreWhat We EelieveWhat We Do
2025 by iamachristian.org,Inc All rights reserved.
