DIPSALME 56 - Northern Sotho 1951/1986（NSO51）

Ge ke boifa, ke bota ModimoYa mohlabeledi, ka “Leeba meokeng ya kgole”. Sefela sa Dafida sa mohla wola Bafilisita ba mo swere kua Gathi.

1Modimo, ntšhokelwe; batho ba ntšhwahletše; ke hlwa ke hlohlwa ke ba ba lwago.

2Ke hlwa ke šwahlelwa ke bahlomaredi, gobane ke ba bantši ba ba lwago le nna ba nnamela.

3Mohla wa poifo ke botile wena.

4Ge Modimo a na le nna, ke fadiša lentšu la gagwe. Ge Modimo a na le nna, ke a holofela, ga ke šie; motho o ntirang?

5Ba hlwa ba ntshenyetša ditaba tša ka; maano ba loga a go ntlhokofatša.

6Sa bona ke go rapana le go ntalela; ba ntota lwao ba fišegetšwe go mpolaya.

7Bobe bja bona o tlo bo lefetša; Modimo, galefa o ba uše, batho bao.

8Metšhabo ya ka o a e bala; megokgo ya ka e boloke sebjaneng sa gago; a ga ke re: Di pukung ya gago?

9Mohla ke go bitša, manaba a ka a a goma; ke tseba ge Modimo a na le nna.

10Ge Modimo a na le nna, ke fadiša lentšu la gagwe. Ge Morena a na le nna, ke fadiša lentšu la gagwe.

11Ke bota Modimo, ga ke boife; motho o ntirang?

12Modimo, ke go enetše ka re: Ke tlo Go tlišetša ditebogo.

13Gobane o phološitše moya wa ka wa se ke wa hwa, dinao tša ka tša se ke tša kgopša, ka kgona go sepela seetšeng sa ba phelago ke bonwa ke Modimo.