1Moratatayo ke moratatsebo; sesoswana se gana go kgalwa.
2Yo bolo sa gagwe o kgahla Morena; wa go loga maanomabe o a lahlwa.
3Motho ga tle ka bobe; modu wa moloki ga o tomoge.
4Mosadimohlamegi ke ala sa monna wa gagwe; wa go mo leša hlong o bjalo ka bolwetši marapong.
5Megopolo ya baloki ke molao; merero ya babe ke maaka.
6Ditaba tša ba babe ke tša go khukhunetša madi; melomo ya baloki e hlakodiša batho.
7Bakgopo ba tlo ribegetšwa ya ba moka; motse wa baloki o tlo dula o le gona.
8Monna o retwa go lekanyetša tlhaloganyo yagwe; wa kgopolokgopo sa gagwe ke go nyatšwa.
9Go kaone ke le mmotlana wa go itirela; go phala moikgogomoši a hloka bogobe.
10Yo bolo o tseba bophelo bja kgomo ya gagwe; pelo ya e mobe ga e e gaugele.
11Molematšhemoyagwe o tlo ja bogobe; molatalefela ke setlatla.
12Yo kgopo o duma tša tanywa ka makgopo; sa moloki ke modu wa dikenyo.
13Ditshele tša molomo ke moreo o mobe; moloki o efoga pateletšo.
14Motho o khora tše botse, dikenyo tša molomo; le matšo a atla tša motho a tla go yena.
15Lešilo le bona go loka ya lona tsela; yo bohlale o kwa baeletši.
16Lešilo le bonala le phaka le befetšwe; mohlale o nyatša maroga.
17Morereši o hlatsela toko; hlatse ya maaka e hlatsela go fora.
18Go na le babolabodi ba mahlabawalerumo; ge e le leleme la mohlale ke moreku.
19Molomomorereši o thekgile neng le neng; mme leme la maaka ga le iše kgole.
20Bofora bo pelong ya go eleletša maano; bareraleago ba na le lethabo.
21Moloki, ga go na bošula bo kago mo wela; ba go golelwa ke dikotsi ke ba babe.
22Morena o hlaswa melomo ya maaka; o kgahlwa ke ba ba dirago therešo.
23Go yo bohlale tsebo ke thopa; mme pelo ya lešilo e goeletša tša bošilo.
24Diatla tša seroto di tlo buša; tša dibodu ke tša go hlankela.
25Majapelo marobamotho; o thabišwa ke lentšu la botho.
26Moloki o hlahla wa gabo tseleng; tsela ya bakgopo ke ya go timetša.
27Motšwa ga bolae phoofolo; humo le legolo la monna ke lebelo.
28Bophelo bo mmileng wa toko; le mo tselaneng ya yona ga go lehu.
Who We AreWhat We EelieveWhat We Do
2025 by iamachristian.org,Inc All rights reserved.
