Lukase Lukase 4 - Contemporary Sepedi Nothern Sotho Bible 2024（CSEB24）

Teko ya Jesu

1Jesu a tletše Moya o Mokgethwa a boa Jorodane, a išwa lešokeng ke Moya.

2A le lešokeng matšatši a masomenne a lekwa ke Diabolo.

3Diabolo a re go yena: “Ge e ba o le Morwa wa Modimo, laela leswika le gore le fetošwe bogobe.”

4Jesu a mo fetola a re: Go ngwadilwe gwa thwe: “Motho a ka se phele ka bogobe feela, eupša a phele ka mantšu ka moka a Modimo.”

5Gape, Diabolo o mo rotogela thabeng ye e phagamego kudu, gomme a mmontšha mebušo ka moka ya lefase ka motsotswana.

6Diabolo a re go yena: “Ke tla go fa maatla a ka moka le letago la bona. Ke mo nea mang le mang yo ke ratago.

7Gomme ge le tla Nkhunamela, ka moka e tla ba tša lena.

8Jesu a mo fetola a re: “Tloga ka morago ga ka, Sathane, ka gobane go ngwadilwe gwa thwe: “O rapele Morena Modimo wa gago gomme o hlankele yena a nnoši.”

9A mo iša Jerusalema, a mo bea godimo ga tlhora ya tempele, a re go yena: “Ge e ba o le Morwa wa Modimo, itahlela mo.

10Gobane go ngwadilwe gwa thwe: “O tla laela barongwa ba gagwe gore ba go hlokomele.”

11Ba tla go rwala ka diatleng tša bona, e le gore o se ke wa thula leoto la gago lefsika.

12Jesu a mo fetola a re: “Go thwe: “O se ke wa leka Morena Modimo wa gago.”

13Ge Diabolo a feditše moleko ka moka, a tloga go yena lebakanyana.

14Jesu a boela Galilea ka matla a Moya.

15A ruta disinagogeng tša bona, a tagafatšwa ke bohle.

16A fihla Natsaretha, moo a godišeditšwego gona; gomme bjalo ka mokgwa wa gagwe, a tsena sinagogeng ka letšatši la Sabatha, a ema go bala.

17Ke moka a neelwa puku ya moporofeta Jesaya. Ge a bula puku yeo, a hwetša lefelo leo e ngwadilwego go lona gore:

18Moya wa Morena o godimo ga ka, ka gobane o ntloditše gore ke bolele badiidi Ebangedi; O nthomile gore ke fodiše ba dipelo tše di robegilego, ke bolele mathopša phološo le difofu go fola ga pono, ke lokolle bao ba pšhatlagantšwego moyeng.

19Go tsebatša ngwaga wo o amogelegago wa Morena.

20A tswalela puku yeo, a e nea modiredi, a dula fase. Gomme mahlo a bohle ka sinagogeng a be a mo tsepeletše.

21A thoma go ba re: Lehono lengwalo le le phethagaditšwe ditsebeng tša lena.

22Bohle ba mo hlatsela, ba makatšwa ke mantšu a botho ao a bego a etšwa molomong wa gagwe. Ba re: Na yo ga se morwa wa Josefa?

23A re go bona: “Ruri le tla mpotša seema se: ‘Ngaka, iphodiše. Se sengwe le se sengwe seo re se kwelego se dirwa kua Kaperenaume, se dire le mo nageng ya geno.

24A re: “Ruri ke re go lena: Ga go moporofeta yo a amogelwago nageng ya gabo.”

25Eupša ruri ke le botša gore Mehleng ya Eliya go be go na le bahlologadi ba bantši Isiraele, ge legodimo le tswaletšwe ka nywaga e meraro le dikgwedi tše tshela, mola tlala e kgolo e be e e-na le naga ka moka.

26Eupša ga go le o tee wa bona yo Eliya a ilego a romelwa go mosadi yo e bego e le mohlologadi, ge e se Sarepta, motse wa Sidone.

27Mehleng ya moporofeta Elisa go be go na le balephera ba bantši Isiraele; gomme ga go le o tee wa bona yo a ilego a hlwekišwa, ge e se Naemane wa Mosiria.

28Bohle bao ba bego ba le sinagogeng ge ba ekwa ditaba tše, ba tlala kgalefo.

29A tsoga a mo raka ka ntle ga motse, a mo iša pele ga mmoto wo motse wa bona o agilwego go wona, gore ba mo lahlele fase ka hlogo.

30Eupša yo a bego a feta gare ga bona a sepela.

31A theogela Kaperenaume, motse wa Galilea, a ba ruta ka matšatši a Sabatha.

32Ba ile ba makatšwa ke thuto ya gagwe, ka gobane lentšu la gagwe le be le na le maatla.

Go fodišwa ga batemona kua Kaperenaume

33Ka sinagogeng go be go na le monna yo a nago le moya wa Diabolo yo a sa hlwekago, a goeletša ka lentšu le le hlabošago.

34A re: “A re emeng; re dira eng ka Wena Jesu wa Nasaretha? o tla go re fediša? Ke a tseba gore o mang; Mokgethwa wa Modimo.

35Jesu a mo kgalema a re: “Homola o tšwe go yena.” Ge Diabolo a mo lahlile gare, a tšwa go yena, a se mo kweše bohloko.

36Ka moka ga bona ba makala, ba boledišana ba re: “Ke lentšu le le lekaakang! gobane ka maatla le maatla O laela meoya ye e sa hlwekago, gomme ya tšwa.

37Botumo bja gagwe bja phatlalala mafelong ka moka a naga.

38A tsoga sinagogeng a tsena ka ntlong ya Simone. Mmago mosadi wa Simone a swarwa ke letšhollo le legolo; gomme ba mo kgopela ka baka la gagwe.

39A ema godimo ga gagwe, a kgalema letšhollo; gateetee a tsoga a ba direla.

40Bjale ge letšatši le sobela, bohle bao ba bego ba babja ke malwetši a fapa-fapanego ba ba tliša go yena. A bea diatla tša gagwe godimo ga yo mongwe le yo mongwe wa bona, a ba fodiša.

41Batemona ba tšwa ba bantši ba goeletša ba re: “Ke wena Kriste Morwa wa Modimo.” Gomme Yo a ba kgalemetšego ga se a ka a ba dumelela gore ba bolele. Ka baka la gore ba be ba tseba gore ke yena Kriste.

42Ge e šetše e le mosegare, a tloga a ya leganateng.

43Eupša yena a re go bona: “Ke swanetše go bolela ditaba tše dibotse tša Mmušo wa Modimo le metseng e mengwe, ka gobane ke rometšwe ka baka la se.

44A rera disinagogeng tša Galilea.