1Human niini, akong nakita nga nanaog gikan sa langit ang laing anghel nga may dakong kagahom ug ang kalibotan gidan-agan sa iyang himaya.
2 ug dulumtanan
3 sa bino sa iyang pagkamakihilawason,
ug ang mga hari sa yuta nakapakighilawas kaniya,
ug ang mga tigpatigayon sa yuta nangadato tungod sa kadato sa iyang pagkamapatuyangon.”
4 Isa. 48:20; Jer. 50:8; 51:6, 45. Unya nadungog nako gikan sa langit ang laing tingog nga nag-ingon,
“Gula kamo kaniya, akong katawhan
aron dili kamo makaambit sa iyang kasal-anan,
aron dili kamo mahiagom sa iyang mga katalagman;
5 Gen. 18:20-21; Jer. 51:9. kay ang iyang kasal-anan nagtipun-og sangko sa langit,
ug nahinumdoman sa Dios ang iyang mga daotang binuhatan;
6 Sal. 137:8; Jer. 50:29. Pahamtangi ninyo siya sama sa iyang pagpahamtang
ug balosi siya ug duha ka pilo sa iyang mga binuhatan:
sa kupa nga iyang gisagolan, pagsagol kamo ug duha ka pilo alang kaniya.
7 Isa. 47:7-9. Sumala sa iyang pagpagarbo sa iyang kaugalingon ug sa iyang pagkamapatuyangon,
hatagi siya ug samang sukod sa kasakit ug kasubo,
kay sa iyang kasingkasing nag-ingon man siya, ‘Naglingkod ako nga rayna,
dili ako biyuda, ug sa kasubo dili gayod ako makasinati,’
8busa sa usa lamang ka adlaw mangabot ang iyang mga katalagman,
ang kamatay, kasubo ug gutom,
ug siya sunogon pinaagi sa kalayo,
kay gamhanan ang Ginoong Dios nga mao ang naghukom kaniya.”
9 Ezek. 26:16-17. Ug ang mga hari sa kalibotan nga nakapakighilawas kaniya ug nakig-uban kaniya sa pagpatuyang manghilak ug magbakho tungod kaniya inigkakita nila sa aso sa iyang pagkasunog,
10ug sila magtindog nga magpaantaw tungod sa kalisang nila sa iyang pag-antos, ug mag-ingon,
“Alaot! Alaot! ikaw nga bantogang siyudad,
ikaw nga gamhanang siyudad, O Babilonia!
Sulod sa usa lamang ka takna miabot ang hukom batok kanimo.”
11 Ezek. 27:31, 36. Ug ang mga tigpatigayon sa kalibotan nanghilak ug nagminatay alang kaniya, kay wala nay mopalit sa ilang mga baligya,
12Ezek. 27:12, 13, 22. mga baligya nga bulawan, plata, mga mahalong bato ug mga perlas, mga pino nga lino, mga mahalong panapton nga tapol, sida, ug pula, tanang matang sa humot nga kahoy, tanang galamiton nga hinimo gikan sa tango sa elepante, tanang galamiton nga hinimo ug mahalong kahoy, ug bronsi, ug puthaw ug marmol,
13kaningag, mga lamas, insenso, mga pahumot, bino, lana sa olibo, pino nga harina ug trigo, mga baka ug mga karnero, mga kabayo ug mga karwahi, ug mga ulipon, nga sa ato pa, mga tawo.
14“Ang mga bunga nga gipangandoy sa imong kalag namiya kanimo,
ug ang tanan nimong lamian nga pagkaon ug ang imong kasanag nawala na kanimo, ug dili na gayod makaplagan pa!”
15 Ezek. 27:31, 36. Ang mga tigpatigayon niining maong mga butang, nga nangadato tungod kaniya, magtindog nga magpaantaw, tungod sa kalisang nila sa iyang pag-antos, manghilak ug magminatay,
16“Alaot, alaot, ang bantogang siyudad
nga binistihan ug pino nga lino, ug sa mahalong panapton nga tapol ug pula,
dinayandayanan ug bulawan, mga batong mahalon ug mga perlas!
17 Isa. 23:14; Ezek. 27:26-30. Kay sulod sa usa lamang ka takna nalaglag kining tanang mga bahandi!”
Ug ang tanang mga kapitan sa barko ug mga magpapanaw sa kadagatan, mga sakayanon ug ang tanan nga ang patigayon anaa sa kadagatan, nagtindog nga nagpaantaw,
18Ezek. 27:30-34. ug sa pagkakita nila sa aso sa iyang pagkasunog, sila misinggit,
“Unsa bang siyudara ang sama sa bantogang siyudad?”
19Ug ilang gibutangan ug mga abog ang ilang mga ulo samtang nanghilak ug nagminatay sila, nga nagsinggit,
“Alaot, alaot, ang bantogang siyudad
diin ang tanan nga may mga sakayan sa kadagatan nangadato tungod sa iyang bahandi!
Sulod sa usa lamang ka takna nalaglag siya.
20 Deut. 32:43; Jer. 51:48. Paglipay kamo tungod kaniya, O kalangitan,
O mga balaan ug mga apostoles ug mga propeta,
kay alang kaninyo gipakanaog na sa Dios ang hukom batok kaniya!”
21 Jer. 51:63-64; Ezek. 26:21. Unya dihay usa ka gamhanang anghel nga mipunit ug bato nga sama sa usa ka dakong galingan, ug ngadto sa dagat kini gitambog niya nga nag-ingon,
“Sa ingon niini kakusog ang bantogang siyudad sa Babilonia itambog,
ug dili na gayod siya makita pa,
22 Ezek. 26:13; Isa. 24:8. ug diha kanimo wala na gayoy mabati pa nga tingog sa mga tig-alpa ug sa mga mag-aawit, sa mga tigplawta ug sa mga tigtrumpeta
ug diha kanimo wala na gayoy makita
pa nga batid sa bisan unsang pagpamuhat,
ug diha kanimo wala na gayoy mabati
pa nga dahunog sa galingan,
23ug ang kahayag sa lampara
dili na gayod mosiga diha kanimo,
ug diha kanimo wala na gayoy
mabati pa nga tingog sa pamanhonon ug sa pangasaw-onon,
kay ang imong mga tigpatigayon mao ang mga dagkong tawo sa kalibotan,
ug ang tanang kanasoran nalingla tungod sa imong salamangka.
24 Jer. 51:49. Ug diha kaniya nakaplagan ang dugo sa mga propeta ug mga balaan
ug sa tanan nga gipamatay diha sa kalibotan.”
Who We AreWhat We EelieveWhat We Do
2025 by iamachristian.org,Inc All rights reserved.
