2 MGA HARI 8 - Cebuano Form-Based Bible (2011)

Mibalik ang Babaye nga Taga-Sunam

1 nga anak ni Ahab nga hari sa Israel, si Jehoram nga anak ni Jehosafat, hari sa Juda nagsugod sa paghari.

17Katloan ug duha ka tuig ang iyang panuigon sa pagsugod niya sa paghari, ug siya naghari sulod sa walo ka tuig didto sa Jerusalem.

18Ug naglakaw siya diha sa dalan sa mga hari sa Israel, sumala sa gihimo sa panimalay ni Ahab, kay ang anak ni Ahab mao ang iyang asawa, ug siya naghimo ug daotan diha sa panan-aw sa Ginoo.

191 Hari 11:36.Bisan pa niini ang Ginoo dili maglaglag sa Juda, tungod lamang kang David nga iyang alagad, kay siya nagsaad sa paghatag ug usa ka lampara kaniya ug sa iyang mga anak hangtod sa kahangtoran.

20 Gen. 27:40. Sa iyang mga adlaw ang Edom mialsa batok sa pagmando sa Juda ug nagbutang ug kaugalingon nilang hari.

21Unya si Joram miadto sa Zair uban sa tanan niyang mga karwahi ug mibangon sa pagkagabii, siya ug ang iyang mga tigmando sa karwahi miasdang sa mga Edomhanon nga naglibot kaniya apan ang iyang kasundalohan nangikyas ngadto sa ilang balay.

22Busa ang Edom mialsa gikan sa pagmando sa Juda hangtod niining adlawa. Unya ang Libna mialsa usab sa samang panahon.

23Karon ang uban nga mga buhat ni Joram ug ang tanan niyang nahimo, wala ba kini masulat sa basahon sa mga Kasaysayan sa mga Hari sa Juda?

24Busa si Joram mipahulay uban sa iyang mga katigulangan, ug gilubong uban sa iyang mga katigulangan didto sa siyudad ni David, ug si Ahasias nga iyang anak naghari puli kaniya.

Si Hari Ahasias sa Juda

25Sa ikanapulo ug duha nga tuig ni Joram nga anak ni Ahab, hari sa Israel, si Ahasias nga anak ni Jehoram, hari sa Juda, nagsugod paghari.

26Ang panuigon ni Ahasias 22 sa pagsugod niya paghari, ug siya naghari ug usa ka tuig didto sa Jerusalem. Ug ang ngalan sa iyang inahan mao si Atalia nga apo ni Omri nga hari sa Israel.

27Naglakaw usab siya diha sa dalan sa panimalay ni Ahab ug naghimo ug daotan diha sa panan-aw sa Ginoo, ingon sa gibuhat sa panimalay ni Ahab, kay siya usa ka umagad sa panimalay ni Ahab.

28Ug siya miuban kang Joram nga anak ni Ahab sa pagpakiggubat batok kang Hasael nga hari sa Siria didto sa Ramot-gilead, ug ang mga Sirianhon misamad kang Joram.

29Ug si Hari Joram mipauli ngadto sa Jesreel aron magpaalim sa iyang mga samad nga gipahamtang kaniya sa mga Sirianhon didto sa Rama, sa dihang nakig-away siya kang Hasael nga hari sa Siria. Ug si Ahasias nga anak ni Jehoram, hari sa Juda, milugsong aron sa pagduaw kang Joram nga anak ni Ahab didto sa Jesreel, tungod kay siya nasakit man.