1 Fil. 3:5. Busa mangutana ako, gisalikway ba sa Dios ang iyang katawhan? Wala gayod! Ako mismo usa ka Israelinhon, kaliwat ni Abraham, sakop sa banay ni Benjamin.
2Ang Dios wala magsalikway sa iyang katawhan nga nailhan na niyang daan. Wala ba kamo masayod sa giingon sa kasulatan mahitungod kang Elias, giunsa niya sa pag-ampo sa Dios batok sa Israel?
31 Hari 19:10, 14. “Ginoo, gipatay nila ang imong mga propeta, giguba nila ang imong mga halaran, ug ako na lang ang nahibilin, ug buot nila akong patyon.”
41 Hari 19:18. Apan unsa may gitubag sa Dios kaniya? “Alang sa akong kaugalingon may gibilin ako nga pito ka libo ka tawo nga wala mopiko sa ilang mga tuhod ngadto kang Baal.”
5Ug mao usab kini ang nahitabo karon, adunay nahibilin nga gipili pinaagi sa grasya.
6Apan kon kini pinaagi man sa grasya, dili na kini pinasikad sa mga binuhatan; kay kon mao pa, ang grasya dili na mahimong grasya.
7Busa, unsa man? Ang Israel napakyas sa pagkab-ot sa iyang gitinguha, apan ang mga pinili nakakab-ot niini ug ang uban gipagahi,
8 Deut. 29:4; Isa. 29:10. ingon sa nasulat,
“Gihatagan sila sa Dios ug espiritu sa
katig-a,
mga mata nga dili makakita ug
mga dalunggan nga dili makadungog,
hangtod niining adlawa.”
9 Sal. 69:22-23 (LXX). Ug si David nag-ingon,
“Ang ilang lamisa himoang
bitik ug lit-ag,
usa ka kapandolan ug usa ka panimalos
batok kanila;
10 Sal. 69:22-23. mangitngitan unta ang ilang mga mata aron
dili sila makakita,
ug mangabawog unta ang ilang mga bukobuko
hangtod sa kahangtoran.”
Kaluwasan sa mga Gentil11Busa mangutana ako, nangapandol ba sila nga sa ingon mangatumba? Wala gayod! Hinuon tungod sa ilang paglapas ang kaluwasan nahiadto sa mga Gentil aron masina sila.
12Ug kon ang ilang paglapas nahimong bahandi alang sa kalibotan ug ang ilang kapildihan nahimong kabulahanan sa mga Gentil, unsa pa kaha ka labaw pa diha sa ilang kahingpitan?
13Karon magsulti ako kaninyong mga Gentil. Tungod kay apostol man ako ngadto sa mga Gentil, magpasidungog ako sa akong pag-alagad,
14aron mapasina nako ang akong mga isigka-Judio, basin pa lamang nga maluwas ang uban kanila.
15Kay kon ang pagsalikway kanila misangpot sa pagpasig-uli sa kalibotan ngadto sa Dios, unsa pa kaha ang pagdawat kanila kondili kinabuhi gikan sa kamatayon?
16Kon nabalaan man ang gihalad nga tipik sa unang bunga nga minasa, mao usab ang tibuok minasa, ug kon nabalaan man ang gamot, mao usab ang mga sanga.
17Apan kon ang pipila sa mga sanga gipamali, ug ikaw, nga salingsing sa olibo nga ihalas, gisumpay lamang diha sa ilang dapit aron makaambit sa katambok sa kahoy nga olibo,
18ayaw pagpagarbo ngadto sa mga sanga. Kon magpagarbo ka man gayod, hinumdomi nga dili ikaw ang nagsangga sa gamot, kondili ang gamot mao ang nagsangga kanimo.
19Apan moingon ka, “Ang mga sanga gipamali aron ikasumpay ako diha sa ilang dapit.”
20Tinuod kana. Sila gipamali tungod sa ilang pagkadili matinuohon, apan mibarog ka tungod sa imong pagtuo. Apan ayaw pagpagarbo, hinuon pagmahadlokon.
21Kay kon wala man mahinugon ang Dios sa mga sangang tiunay, dili usab siya mahinugon kanimo.
22Busa timan-i ang pagkamaluluy-on ug ang kahigpit sa Dios: kahigpit kanila nga nangatumba, apan alang kanimo ang pagkamaluluy-on sa Dios, kana kon ikaw magpadayon diha sa iyang kaluoy kay kon dili, putlon ka usab.
23Ug bisan pa gani ang uban kanila, kon dili sila magpabilin sa pagkadili matinuohon, isumpay sila niini, kay ang Dios makahimo man sa pagsumpay kanila pag-usab.
24Kay kon ikaw giputol gikan usa ka ihalas nga kahoyng olibo ug supak sa kinaiya gisumpay ngadto sa maayo nga olibo, labaw pa nga isumpay kining mga sangang kaugalingon balik ngadto sa tiunayng punoan nga olibo.
Ang Kaluoy sa Dios Alang sa Tanan25Mga igsoon, basin unya ug magpakamaalamon kamo sa inyong kaugalingon busa buot nakong makasabot kamo niining maong misteryo: ang kagahi miabot sa usa ka bahin sa Israel hangtod sa panahon nga ang pagkahingpit sa mga Gentil moabot na,
26 Isa. 59:20-21 (LXX). ug unya ang tibuok Israel maluwas ingon sa nasulat,
“Ang Manluluwas moabot gikan sa Zion,
hinginlan niya ang pagkadili
diosnon gikan kang Jacob”,
27 Isa. 27:9 (LXX). “ug mao kini ang akong kasabotan
uban kanila
sa diha nga kuhaon nako ang ilang
mga sala.”
28Mahitungod sa Maayong Balita, sila mga kaaway sa Dios tungod ug alang kaninyo; apan mahitungod sa pagpili, sila mga hinigugma tungod sa ilang mga katigulangan.
29Kay ang mga gasa ug ang pagtawag gikan sa Dios dili mabakwi.
30Kay ingon nga kaniadto nagmasupilon kamo sa Dios apan karon nakadawat na sa kaluoy tungod sa ilang pagkamasupilon.
31Sa ingon usab niini nagmasupilon sila karon aron nga pinaagi sa kaluoy nga gikapadayag kaninyo makadawat usab sila ug kaluoy.
32Kay ang tanang mga tawo gitugyan sa Dios ngadto sa pagkamasupilon aron ang tanan iyang kaluy-an.
Ang Pagdayeg Alang sa Dios33 Isa. 55:8. O, pagkalalom sa kadagaya ug sa kaalam ug kahibalo sa Dios! Pagkadili matugkad sa iyang mga hukom ug pagkadili matukib sa iyang mga paagi!
34 Isa. 40:13 (LXX). “Kay kinsa bay nasayod sa hunahuna
sa Ginoo,
o kinsa bay iyang magtatambag?”
35 Job 41:11. “O kinsa bay miuna paghatag kaniya
aron iyang balosan?”
36 1 Cor. 8:6. Kay gikan kaniya ug pinaagi kaniya ug ngadto kaniya mao ang tanang mga butang. Kaniya ang himaya hangtod sa kahangtoran. Amen.
Who We AreWhat We EelieveWhat We Do
2025 by iamachristian.org,Inc All rights reserved.
