SALMO 6 - Cebuano Form-Based Bible (2011)

Pag-ampo Panahon sa KasamokNgadto sa pangulong musikero: uban sa tulunggon nga may kuwerdas; sumala sa Shiminith. Salmo ni David

1 Sal. 38:1. O Ginoo, ayaw ako ug badlonga diha sa imong kapungot,

o kastigoha diha sa imong kaligutgot.

2Kaluy-i ako, O Ginoo, kay ako naluya na;

ayoha ako, O Ginoo, kay ang akong mga bukog nagkalisod.

3Ang akong kalag usab nagubot sa hilabihan gayod.

Apan ikaw, O Ginoo, hangtod kanus-a ba?

4Balik, O Ginoo, luwasa ang akong kinabuhi;

luwasa ako tungod ug alang sa imong gugmang walay paglubad.

5Kay diha sa kamatayon walay paghandom mahitungod kanimo;

kinsa ba ang magdayeg kanimo didto sa Sheol?

6Gikapoyan na ako sa akong pag-agulo;

matag gabii gipalunopan nako sa luha ang akong higdaanan;

ang akong higdanaan gibasa nako sa akong paghilak.

7Ang akong mata naughan na tungod sa kaguol;

nagkaluya kini tungod sa tanan nakong mga kaaway.

8 Mat. 7:23; Luc. 13:27. Palayo kanako, kamong tanan nga tigbuhat ug daotan,

kay ang Ginoo nagpatalinghog sa tingog sa akong paghilak.

9Ang Ginoo nagpatalinghog sa akong pagpangaliyupo;

ang Ginoo nagdawat sa akong pag-ampo.

10Maulawan ug mangalisang pag-ayo ang tanan nakong mga kaaway;

sila motalikod, ug pakaulawan sa kalit gayod.