SALMO 62 - Cebuano Form-Based Bible (2011)

Pagsalig Diha sa Panalipod sa DiosNgadto sa pangulong musikero: sumala kang Jeduton. Salmo ni David.

1Sa Dios lamang naghulat sa hilom ang akong kalag;

gikan kaniya ang akong kaluwasan.

2Siya lamang mao ang akong bato ug ang akong kaluwasan,

ang akong salipdanan; dili gayod ako matarog.

3Hangtod kanus-a ba kamo maghulga sa usa ka tawo

aron mapukan siya ninyong tanan,

sama sa kuta nga nagharag, sama sa usa ka koral nga nagkaguba?

4Naglaraw lamang sila sa pagpukan kaniya gikan sa iyang pagkahalangdon.

Nangalipay sila sa mga kabakakan.

Nagpanalangin sila pinaagi sa ilang baba,

apan sa sulod sila nagtunglo. Selah

5Kay sa Dios lamang maghulat sa hilom ang akong kalag,

kay gikan kaniya ang akong paglaom.

6Siya lamang mao ang akong bato ug ang akong kaluwasan,

ang akong salipdanan; dili ako matarog.

7Sa Dios anaa ang akong kaluwasan ug ang akong kadungganan;

ang akong gamhanang bato, ang akong dalangpanan mao ang Dios.

8Salig kamo kaniya sa tanan nga panahon, mga katawhan;

ibubo ninyo ang inyong kasingkasing sa atubangan niya;

ang Dios mao ang dalangpanan alang kanato. Selah

9Ang mga tawo nga ubos ug kahimtang usa lamang ka gininhawa,

ang mga tawo nga taas ug kahimtang usa lamang ka lamat;

diha sa mga timbangan, sila mosaka;

sila gaan pa kay sa gininhawa.

10Ayaw pagsalig diha sa pagpanglupig,

ayaw paglaom diha sa pagpangawat;

kon ang mga bahandi modaghan, ayaw ibutang ang imong kasingkasing niana.

11Ang Dios nagsulti sa makausa;

makaduha ako makadungog niini:

nga ang gahom iya sa Dios;

12 Job 34:11; Jer. 17:10; Mat. 16:27; Rom. 2:6; Pin. 2:23. ug nganha kanimo, O Ginoo,

imo ang gugmang walay paglubad.

Kay ikaw nagbalos sa tawo sumala sa iyang buhat.