1Kay ang matag labawng pangulong pari nga gipili gikan sa mga tawo gitudlo aron mag-alagad sa Dios alang sa mga tawo, sa paghalad ug mga gasa ug mga halad alang sa mga sala.
2Ug siya makahimo nga magmalumo ngadto sa mga walay alamag ug sa mga nahisalaag kay siya sa iyang kaugalingon nagapos man usab sa kaluyahon.
3Lev. 9:7. Tungod niini kinahanglan siyang maghalad dili lamang alang sa mga sala sa maong mga tawo, kondili alang usab sa iyang kaugalingong mga sala.
4Ex. 28:1. Ug walay tawo nga mangunay sa pagtudlo sa iyang kaugalingon nganha sa maong katungdanan, kondili tawgon siya sa Dios alang niini sama kang Aaron.
5 Sal. 2:7. Busa si Cristo usab wala magtuboy sa iyang kaugalingon aron mahimong labawng pangulong pari, apan gitudlo siya sa nag-ingon kaniya,
“Ikaw akong Anak,
karong adlawa ako nahimo nimong Amahan”;
6 Sal. 110:4. sumala sa giingon usab niya sa laing dapit,
“Ikaw pari hangtod sa kahangtoran,
sumala sa laray ni Melquisedek.”
7 Mat. 26:36-46; Mar. 14:32-42; Luc. 22:39-46. Sa mga adlaw sa tawhanon niyang kinabuhi, nag-ampo ug nangamuyo siya uban sa kusog nga mga singgit ug hilak ngadto sa makahimo sa pagluwas kaniya gikan sa kamatayon ug siya gidungog tungod sa iyang diosnong kahadlok.
8Bisan tuod ug siya Anak, siya nakakat-on sa pagkamasinugtanon pinaagi sa mga butang nga iyang giantos.
9Ug sa nahimo siyang hingpit, siya nahimong tuboran sa dayong kaluwasan alang sa tanang magtuman kaniya,
10ingon nga gitudlo siya sa Dios sa pagkalabawng pangulong pari sumala sa laray ni Melquisedek.
Pasidaan Batok sa Pagbiya sa Pagtuo11Mahitungod niini daghan pa kami ug igsusulti nga lisod ipasabot kaninyo, kay nahabol man ang inyong pagpamati.
121 Cor. 3:2. Kay niining panahona karon angayan na unta kamo nga mahimong mga magtutudlo, nagkinahanglan pa man diay hinuon kamo nga adunay mosubli sa pagtudlo kaninyo sa unang mga pagtulun-an sa pulong sa Dios. Nagkinahanglan kamo ug gatas, dili pagkaon nga gahi,
13kay ang matag usa nga gigatas pa dili batid sa pulong sa pagkamatarong, kay masuso pa man siya.
14Apan ang gahing pagkaon alang sa mga hamtong, alang kanila nga ang mga salabotan nabatid pinaagi sa pagbansay sa pag-ila sa maayo gikan sa daotan.
Who We AreWhat We EelieveWhat We Do
2025 by iamachristian.org,Inc All rights reserved.
