ISAIAS 35 - Cebuano Form-Based Bible (2011)

Masaaron nga Kaugmaon

1Ang kamingawan ug ang uga nga yuta magmaya,

ang kamingawan maglipay ug mamulak;

sama sa rosas,

2kini mamulak pag-ayo,

ug maglipay uban sa kasadya ug pag-awit.

Ang himaya sa Lebanon ihatag ngadto niini,

ang katahom sa Carmelo ug sa Sharon.

Sila makakita sa himaya sa Ginoo,

sa kahalangdon sa atong Dios.

3

ang balili mahimong mga bagakay ug mga bugang.

8Didto may usa ka lapad nga dalan,

ug kini tawgon nga Balaang Dalan,

ang hugaw dili moagi sa ibabaw niini,

ug ang buangbuang dili mangasayop diha niini.

9Walay liyon nga makaadto didto,

o bisan unsa nga manunukob nga mananap nga moadto didto;

sila dili makit-an didto

apan ang mga linuwas maglakaw didto.

10Ug ang mga linukat sa Ginoo mobalik,

ug moadto sa Zion uban ang pag-awit;

ug ang kalipay nga walay kataposan anha sa ibabaw sa ilang mga ulo;

sila makabaton sa kasadya ug kalipay

ug ang kasubo ug panghupaw mangahanaw.