MIKEAS 5 - Cebuano Form-Based Bible (2011)

1Karon gilibotan ikaw ug kuta;

usa ka pagsulong gihimo batok kanato;

pinaagi sa usa ka bunal hampakon nila diha sa aping ang tigmando sa Israel.

Ang Dios Nagsaad ug Pangulo nga Gikan sa Betlehem

2

diha sa pagkahalangdon sa ngalan sa Ginoo nga iyang Dios.

Ug sila magpuyo nga layo sa kakuyaw kay karon siya mahimong bantogan

hangtod sa mga kinatumyan sa kalibotan.

Kaluwasan ug Silot

5Ug kini mahimong pakigdait,

sa diha nga ang Asirianhon moabot sa atong yuta

ug motunob sa atong yuta,

aron kita magpatindog batok kaniya ug pito ka tigbantay sa karnero,

ug walo ka pangulo sa mga tawo;

6

ug sila magluwas kanato gikan sa mga Asirianhon

sa diha nga moabot na siya sa atong yuta,

ug motunob sa atong utlanan.

7Unya ang mga salin ni Jacob anha unya

sa taliwala sa daghang mga katawhan

sama sa yamog nga gikan sa Ginoo,

sama sa taligsik diha sa mga balili,

nga wala maglangan alang sa tawo

o maghulat alang sa mga anak sa katawhan.

8Ug ang mga salin ni Jacob anha unya sa taliwala sa mga nasod,

sa taliwala sa daghang mga katawhan,

sama sa usa ka liyon taliwala sa mga mananap sa kalasangan,

sama sa batan-on nga liyon taliwala sa mga panon sa karnero,

nga kon mosulod kini, moyatak

ug mokuniskunis, ug walay makaluwas.

9Ang imong kamot bayawon ibabaw sa imong mga kaaway,

ug laglagon ang tanan nimong mga kaaway.

10Nianang adlawa, nag-ingon ang Ginoo,

laglagon nako ang imong mga kabayo gikan kanimo,

ug gub-on nako ang imong mga karwahi;

11ug gun-obon nako ang mga siyudad sa imong yuta

ug pukanon nako ang imong mga salipdanan;

12ug wagtangon nako ang mga pagsalamangka gikan sa imong kamot,

ug ikaw dili na makabaton ug mga tigpanag-an;

13ug wagtangon nako ang imong mga kinulit nga larawan

ug ang imong mga haliging bato gikan kanimo,

ug ikaw dili na magsimba sa

buhat sa imong mga kamot;

14ug ibton nako ang imong mga Asera gikan kanimo

ug laglagon nako ang imong mga siyudad.

15Ug diha sa kasuko ug kapungot ipahamtang nako ang panimalos

ngadto sa mga nasod nga wala motuman.