1 siyudad gibuslotan ug ang hari uban sa mga manggugubat miikyas sa pagkagabii agi sa ganghaan tungatunga sa duha ka paril duol sa tanaman sa hari bisan ug ang mga Caldeanhon naglibot na sa siyudad. Ug sila miagi sa dalan padulong sa Araba.
5Apan ang kasundalohan nga mga Caldeanhon migukod sa hari ug naapsan siya didto sa kapatagan sa Jerico ug ang tanan niyang kasundalohan nagkatibulaag gikan kaniya.
6Unya ilang gidakop ang hari, ug gidala siya ngadto sa hari sa Babilonia didto sa Ribla, nga maoy mihukom kaniya.
7Ezek. 12:13.Ug ilang gipamatay ang mga anak nga lalaki ni Zedekias diha sa iyang atubangan ug gilugit ang mga mata ni Zedekias ug gigapos siya ug kadena, ug gidala siya ngadto sa Babilonia.
Giguba ang Templo8Sa ikalima nga bulan, sa ikapito nga adlaw sa bulan nga maoy ikanapulo ug siyam nga tuig ni Hari Nabucodonosor nga hari sa Babilonia, si Nebusaradan nga pangulo sa mga bantay, usa ka sulugoon sa hari sa Babilonia, miabot sa Jerusalem.
91 Hari 9:8. Ug iyang gisunog ang balay sa Ginoo ug ang balay sa hari ug ang tanan nga kabalayan sa Jerusalem, ang matag dagkong balay, iyang gisunog.
10Unya ang kasundalohan nga Caldeanhon nga uban sa pangulo sa mga bantay miguba sa mga paril nga naglibot sa Jerusalem.
11Ug ang katawhan nga nahibilin sa siyudad ug kadtong mga namiya nga miikyas ngadto sa hari sa Babilonia uban ang panon sa katawhan gidala ingon nga binihag ni Nebusaradan nga pangulo sa mga bantay.
12Apan gibilin sa pangulo sa mga bantay ang labing kabos didto sa yuta aron mahimong tig-atiman sa parasan ug mga mag-uuma.
13 1 Hari 7:15-26; 2 Cron. 3:15-17; 1 Hari 7:23-26; 2 Cron. 4:2-5. Ug ang mga haligi nga bronsi nga diha sa balay sa Ginoo ug ang mga tungtonganan ug ang bronsi nga tangke nga diha sa balay sa Ginoo gidugmok sa mga Caldeanhon ug gidala ang mga bronsi niini ngadto sa Babilonia.
141 Hari 7:45; 2 Cron. 4:16.Ug ilang gikuha ang mga kulon ug ang mga pala ug ang mga igpapalong ug ang mga sudlanan sa insenso ug ang tanan nga mga sudlanan nga bronsi nga ilang gigamit sa pag-alagad sa Templo,
15ang mga sangga sa baga usab ug ang mga panaksan. Kadtong hinimo sa bulawan gikuha sa pangulo sa mga bantay ingon nga bulawan ug kadtong hinimo sa plata ingon nga plata.
16Ang duha ka haligi, ang usa ka tangke ug ang mga tungtonganan nga gihimo ni Solomon alang sa balay sa Ginoo, ang bronsi niining tanan nga mga sudlanan dili matimbang.
17Ang gitas-on sa usa ka haligi napulo ug walo ka maniko, sa tumoy niini may ulo nga bronsi. Ang gitas-on sa ulo tulo ka maniko ug gilibotan kini ug daw mga bunga sa granada nga lunlon bronsi. Ug ang ikaduha nga haligi sama usab niini.
Ang Katawhan sa Juda Gibihag ngadto sa Babilonia18Unya ang pangulo sa mga bantay midala kang Seraias nga pangulong pari ug kang Zefanias nga ikaduhang pari, ug sa tulo ka tigbantay sa tugkaran.
19Ug gikan sa siyudad gikuha niya ang usa ka tinugyanan nga nagmando sa mga tawo sa gubat ug ang lima ka magtatambag sa hari nga nakit-an diha sa siyudad ug ang sekretaryo sa tigmando sa kasundalohan nga maoy nagtigom sa katawhan sa yuta ug ang kan-uman ka tawo sa yuta nga nakit-an sa siyudad.
20Gikuha sila ni Nebusaradan nga pangulo sa mga bantay ug gidala sila ngadto sa hari sa Babilonia didto sa Ribla.
21Ug gipangtigbas sila sa hari sa Babilonia ug gipamatay sila didto sa Ribla sa yuta sa Hamat. Busa ang Juda nabihag gikan sa iyang yuta.
Si Gedalias Nahimong Gobernador sa Juda22 Jer. 40:7-9. Unya ibabaw sa katawhan nga nahibilin sa yuta sa Juda nga gibiyaan ni Nabucodonosor nga hari sa Babilonia, iyang gitudlo nga gobernador si Gedalias nga anak ni Ahikam nga anak ni Safan.
23Sa pagkadungog sa tanang pangulo sa kasundalohan ug sa ilang mga tawo nga ang hari sa Babilonia nagtudlo kang Gedalias nga gobernador, miadto sila uban sa ilang mga tawo ngadto kang Gedalias didto sa Mispa: si Ismael nga anak ni Netanias, si Johanan nga anak ni Carias, si Seraias nga anak ni Tanhumet nga Netofahanon, ug si Jasanias nga anak sa taga-Maaca.
24Ug si Gedalias nanumpa kanila ug sa ilang mga tawo ug miingon, “Ayaw kahadlok sa mga tinugyanan nga Caldeanhon. Pagpuyo kamo sa yuta ug alagari ninyo ang hari sa Babilonia ug kini maayo alang kaninyo.”
25Jer. 41:1-3.Apan sa ikapito nga bulan, si Ismael nga anak ni Netanias nga anak ni Elisama, sa harianong kaliwat, miabot uban sa napulo niya ka tawo ug misulong ug mipatay kang Gedalias, sa mga Judio ug sa mga Caldeanhon nga diha uban kaniya didto sa Mispa.
26Jer. 43:5-7.Unya ang tibuok katawhan, gagmay ug dagko, ug ang mga pangulo sa kasundalohan nangikyas ug miadto sa Ehipto kay sila nangahadlok sa mga Caldeanhon.
Gibuhian si Jehoiakin27Sa ika-37 nga tuig sa pagkabihag ni Jehoiakin nga hari sa Juda, sa ikanapulo ug duha nga bulan, sa ikakawhaan ug pito nga adlaw sa bulan, si Ebil-merodac nga hari sa Babilonia, sa tuig nga siya nagsugod sa paghari, mibuhi kang Jehoiakin nga hari sa Juda gikan sa bilanggoan.
28Ug siya misulti nga maluluy-on kaniya ug gibutang ang iyang trono labaw sa trono sa mga hari nga diha uban kaniya sa Babilonia.
29Busa giilisan ni Jehoiakin ang iyang mga bisti sa bilanggoan. Ug matag adlaw sa iyang kinabuhi nagkan-anan siya diha sa lamisa sa hari;
30ug alang sa iyang galastohon, kanunay siyang hatagan sa hari, matag adlaw usa ka bahin, sa tanang mga adlaw sa iyang kinabuhi.
Who We AreWhat We EelieveWhat We Do
2025 by iamachristian.org,Inc All rights reserved.
