SALMO 82 - Cebuano Form-Based Bible (2011)

Ang Dios Labing Gamhanan nga HariSalmo ni Asaf.

1Ang Dios nagpahiluna diha sa langitnong panagtigom;

sa taliwala sa mga dios, siya naghukom:

2“Hangtod kanus-a ba kamo maghukom nga dili matarong,

ug magdapig sa mga daotan? Selah

3Hatagi ug hustisya ang kabos ug ang mga wala nay amahan;

labani ang katungod sa mga sinakit ug sa nanginahanglan.

4Tabanga ninyo ang mga kabos ug ang mga nanginahanglan,

luwasa sila gikan sa kamot sa daotan.”

5Sila walay kahibalo o panabot,

naglakawlakaw sila diha sa kangitngit;

ang tanang mga patukoranan sa yuta nangatay-og.

6 Juan 10:34. Ako miingon, “Kamo mga dios,

ug kamong tanan mga anak sa Labing Halangdon;

7apan bisan pa niini kamo mangamatay sama sa mga tawo,

ug mangapukan sama ni bisan kinsa nga pangulo.”

8Tindog, O Dios, hukmi ang yuta;

kay imo man ang tanang kanasoran!