1Busa naghangyo ako kaninyo mga igsoon, pinaagi sa mga kaluoy sa Dios, sa pagtugyan sa inyong mga lawas isip halad nga buhi, balaan ug makapahimuot sa Dios nga mao ang inyong espirituhanon nga pagsimba.
2Ayaw kamo pagpahiuyon niining kalibotana, hinuon tugoti nga mausab ang inyong kaugalingon pinaagi sa pagbag-o sa inyong hunahuna, aron inyong masuta unsa ang kabubut-on sa Dios, unsa ang maayo, ang kahimut-an ug ang hingpit.
3Kay ako nagsulti pinaagi sa grasya nga gihatag kanako ngadto sa matag usa kaninyo sa dili paghunahuna ug labaw sa angay ninyo nga hunahunaon mahitungod sa inyong kaugalingon, kondili sa paghunahuna uban sa kaligdong sibo sa gidak-on sa pagtuo nga gihatag sa Dios sa matag usa.
4Kay sama nga diha sa usa ka lawas adunay daghang mga bahin, ug ang tanang mga bahin dili managsama ug buluhaton,
51 Cor. 12:12. mao usab kita, bisan daghan, usa ra kita ka lawas diha kang Cristo, ug ang matag usa kanato kabahin sa usa ug usa.
61 Cor. 12:4-11. Ug kay nabatonan man nato ang espirituhanong mga hiyas nga nagkalainlain sumala sa grasya nga gihatag kanato, kinahanglan nga gamiton nato kini: kon pagpropesiya, sumala sa gidak-on sa pagtuo;
7kon pag-alagad, diha sa pagpangalagad; ang nagtudlo, diha sa iyang pagpanudlo;
8ang nagmaymay, sa iyang pagpangmaymay; ang nag-amot, diha sa pagkamadagayaon; ang nangulo, diha sa kadasig; ang naghimo ug mga buhat sa kaluoy, diha sa kasaya.
Mainiton Diha sa Espiritu9Kinahanglang walay pagminaot ang gugma. Dumti ninyo ang daotan; kupot sa maayo.
10Paghigugmaay kamo nga mainiton sa usa ug usa ingon nga mga igsoon, pagpalabwanay kamo sa pagtahod sa usa ug usa.
11Ayaw kamo pagtinapolan, hinuon pagmainiton kamo diha sa Espiritu. Alagari ninyo ang Ginoo.
12Paglipay kamo diha sa paglaom, pailob diha sa kasakitan, pag-ampo kanunay.
13Hatag kamo alang sa mga panginahanglan sa mga balaan; batasana ninyo ang pagkamaabiabihon.
14 Mat. 5:44; Luc. 6:28. Panalangini kadtong mga naglutos kaninyo; pag-ampo ug ayaw panunglo.
15Paglipay kamo duyog sa mga nalipay, hilak duyog sa mga nanghilak.
16Pan. 3:7. Pagsinabtanay kamo sa usa ug usa; ayaw pagmapahitas-on, hinuon pakig-uban sa mga ubos ug kahimtang; ayaw pagpakamaalamon diha sa inyong kaugalingon.
17Ayaw balosi ug daotan ang daotan, buhata hinuon ang maayo sa atubangan sa tanang tawo.
18Kon mahimo, sumala sa inyong maarangan, pagpuyo nga makidaiton uban sa tanang tawo.
19Deut. 32:35. Mga hinigugma, ayaw panimalos, kondili hatagi hinuon ninyo ug higayon ang kapungot sa Dios; kay nasulat, “Akoa ang pagpanimalos, ako ang mobayad, nag-ingon ang Ginoo.”
20Pan. 25:21-22 (LXX). Hinuon, “kon gutomon ang imong kaaway, pakan-a siya; kon uhawon, paimna siya; kay sa imong pagbuhat niini magpundok ikaw ug mga baga diha sa ibabaw sa iyang ulo.”
21Ayaw pagpadaog sa daotan, dag-a ang daotan pinaagi sa maayo.
Who We AreWhat We EelieveWhat We Do
2025 by iamachristian.org,Inc All rights reserved.
