1Gikan sa mga kahiladman nagtuaw ako kanimo, O Ginoo!
2Ginoo, pamatia ang akong tingog!
Papamatia ang imong mga dalunggan
sa tingog sa akong mga pagpangamuyo!
3Kon ikaw, O Ginoo, nagtimaan pa unta sa mga kasal-anan,
O Ginoo, kinsa ba ang makasugakod?
4Apan adunay pagpasaylo diha kanimo,
aron ikaw takos nga kahadlokan.
5Naghulat ako sa Ginoo, ang akong kalag naghulat,
ug sa iyang pulong naglaom ako;
6ang akong kalag naghulat sa Ginoo,
labaw sa mga tawong nagtukaw alang sa kabuntagon,
labaw sa mga tawong nagtukaw alang sa kabuntagon.
7O Israel, laom diha sa Ginoo!
Kay diha sa Ginoo adunay gugmang walay paglubad,
ug diha kaniya anaa ang madagayaong paglukat.
8 Mat. 1:21; Tit. 2:14. Ug iyang lukaton ang Israel
gikan sa tanang kasal-anan niini.
Who We AreWhat We EelieveWhat We Do
2025 by iamachristian.org,Inc All rights reserved.
