1Ho an’ny mpiventy hira. Hampiarahina amin’ny valiha. Salamo nataon’i Davida.
RAHA miantso aho, mamalia ahy, ry Andriamanitry ny fahamarinako ô;
Raha tao an-katerena aho, dia nohalalahinao toerana;
Mamindrà fo amiko, ka henoy ny fivavako.
2Ry lehibe, mandra-pahoviana no hataonareo ho henatra ny voninahitro,
Ary ho tia zava-poana sy hamoron-dainga hianareo?
[Sela.]
3Kanefa aoka ho fantatrareo fa efa navahan’i Jehovah ho Azy ny tsara fanahy;
Jehovah hihaino, raha miantso Azy aho.
4Tezera, fa aza manota;
Mieritrereta eo am-pandrianareo, ka mangìna.
[Sela.]
5Manatera fanati-pahamarinana,
Ary matokia an’i Jehovah.
6Maro no niteny hoe: Iza no haneho soa antsika?
Asandrato aminay ny fahazavan’ny tavanao, Jehovah ô.
7Efa nasianao fifaliana ny foko
Mihoatra noho ny tamin’ny taona nahabetsahan’ny variny sy ny ranom-boalobony.
8andry amin’ny fiadanana aho, ka dia hatory miaraka amin’izay,
Satria Hianao, Jehovah ô, no mampitoetra ahy mitokana irery tsy manana ahiahy.
Who We AreWhat We EelieveWhat We Do
2025 by iamachristian.org,Inc All rights reserved.
