Zaburi 123 - Bible in Kiswahili, Revised Union Version 2013

Ombi la hurumaWimbo wa kupanda mlima.

1Nimekuinulia macho yangu,

Wewe uketiye mbinguni.

2Kama vile macho ya watumishi

Yanavyoutegemea mkono wa bwana zao

Kama macho ya mjakazi

Yanavyoutegemea mkono wa bibi yake;

Ndivyo macho yetu yanavyomtegemea BWANA, Mungu wetu,

Hadi atakapoturehemu.

3Uturehemu, Ee BWANA, uturehemu sisi,

Kwa maana tumeshiba dharau.

4Nafsi zetu zimeshiba mzaha wa wenye raha,

Na dharau ya wenye kiburi.