FILIPPIANËT Krej 1. - Albanian Tosk New Testament Konstantin Kristoferidhi 1879（ALBKK79）

1Pavli edhe Timotheu, shërbëtorët’ e Jisu Krishtit, mbë gjithë shënjtorëtë mbë Jisu Krishtinë, që janë ndë Filippe, bashkë me episkopët’ e me dhiakëritë;

2 Qoftë mbë ju Hirë, edhe paqtim prej Perëndisë, Atit tënë, edhe prej Zotit Jisu Krisht.

3I falem ndersë Perëndisë tim sa herë u kujtonj juve,

4Përherë edhe mbë çdo lutëjenë time me gëzim për gjithë ju,

5Për piesënë tuaj që keni ndë ugjillt që prej së parësë ditë e gjer ndashti;

6Sepse më është mbushurë mëndëja për këtë, se ay që zuri të bënjë punë të mirë ndër ju, do ta mbaronjë gjer mbë ditët të Jisu Krishtit.

7Sikundrë ësht’e udhësë tek unë të kem ndër mënt këtë për gjithë ju, sepse u kam juve ndë zemërë time, edhe ju të gjithë jeni edhe ndë të lidhurat të mia, edhe ndë të dhënët fialë, edhe ndë të vërtetuarët të ungjillit, shokë bashkë me mua ndë hirt.

8Sepse martiri im është Perëndia, se kam shumë mallë për gjithë ju ndë zemërët të Jisu Krishtit.

9Edhe për këtë falem, që të tepronjë dashuria juaj edhe më shumë e më shumë ndë të njohur’ e ndë çdo të ndierë,

10Që të shquani ato që ndanjënë njëra prej tiatrësë, edhe të jeni zemërë-këthiellët’ e të papenguarë gjer mbë ditët të Krishtit,

11Plot me pemë drejtërie, që janë me anë të Jisu Krishtit, për lavdi e për nderë të Perëndisë.

12Edhe dua t’a dini, o vëllezër, se sa punë gjajtinë tek unë më shumë vanë mbarë për ungjillinë;

13Kaqë sa duallnë për faqe të lidhurat’ e mia për Krishtinë mbë gjithë gjykatënë, e mbë gjithë të tierët.

14Edhe më të shumët’ e vëllezëret mbë Zotinë, tuke shpëryerë mbë të lidhurat të mia, kuxonjënë më tepërë të flasënë fialënë pa frikë.

15Ca nga cmiri e nga qarta, edhe ca nga dashuria leçisnjënë Krishtinë.

16Ata pra leçisnjënë Krishtinë nga cmiri, jo me zemërë të këthiellëtë, sepse kujtonjënë se bienë shtrëngatë mbë të lidhurat të mia;

17E këta nga dashuria, sepse e dinë, se gjëndem për të dhënë fialë për ungjillinë.

18Po ç’është? Veç se me çdo farë mëndyrë, a me shkak, a me të vërtetë, Krishti leçitetë, edhe për këtë gëzonem, po edhe do të gëzonem.

19Sepse e di, se këjo do të më dalë për shpëtim, me anë të të lutëjesë suaj, edhe me anë të ndihmësë Frymësë Jisu Krishtit,

20Pas të priturit pa durim, edhe pas shpëresësë sime, se nukë do të turpëronem as për ndonjë gjë, po ndër sy të gjithëve, sikundrë përherë, edhe ndashti do të madhëronetë Krishti ndë trup tim, a prej jetësë, a prej vdekëjesë.

21Sepse të rruarëtë tek un’ është Krishti, edhe të vdekuritë, fitim.

22Po ndë qoftë se rronj ndë trup, këjo bën pemë pune tek unë, edhe ç’të sgjeth nukë di,

23Sepse shtrëngonem prej së dyjsh; dëshërimin’ e kam për të ikurë, edhe të jem bashkë me Krishtinë; sepse është shumë më mirë.

24Po që të jesh ndë misht, është më e nevojëshime për ju.

25Edhe këtë e di tuke shpëryerë, se do të mbes e do të qëndronj bashkë me gjithë ju, për mbarësinë tuaj edhe për gëziminë mbë besët;

26Që të tepronjë prej meje të mburruritë tuaj mbë Jisu Krishtinë, nga të ardhuritë tim përsëri te ju.

27Vetëmë të shkoni jetënë sikundrë vëjen për ungjillin’ e Krishtit, që të dëgjonj për ju, a kur të vinj e t’u shoh juve, a për së largu kur s’jam, se qëndroni mbë një frymë e mbë një shpirt, tuke lëftuarë bashkë për besën’ e ungjillit.

28Edhe të mos teëmbi as për ndonjë punë nga ata që rrinë kundrë, që ajo dëften të humburë për ata, e për ju shpëtim, edhe këjo nga Perëndia.

29Sepse mbë ju është falurë këjo për Krishtinë, jo vetëmë që t’i besoni ati, po edhe të pësoni për atë;

30Tuke pasurë atë luftënë që patë mbë mua, edhe që dëgjoni ndashti se është mbë mua.