U-ISAYA 35 - IsiNdebele 2012 Translation

Ukubuyela kwabathunjwa eZiyoni

1Irhalawumba nenarha eyomileko kuzakuthaba,

ibhudu lihlokome, liqhakaze.

Njengamakhwa weTjharoni

2lizakuthuthumba khulu,

lihlokome ngethabo nangokuvuma.

Lizakunikelwa idumo leLibhanoni,

ubukhosi beKarameli neTjharoni.

Abathunjwa bazakubona idumo lakaSomnini

nobukhosi bakaZimethu.

3Khuthazani izandla ezibuthakathaka,

niqinise amadolo abogabogako.

4Yithini kabaneenhliziyo ezizazako:

“Qinani, ningesabi!

Nangu uZimenu;

uzakuza ngokubuyiselela,

iye, ngomvuzo waloyo osabekako.

Yena uzakuza anisindise.”

5Ngesikhatheso amehlo weemphofu azakubona

neendlebe zeenthulu zivuleke,

6abarholopheleko bazatjakadula njengehlangumataka

nelimu leemumu lililizele.

Mbala, amanzi azakuthumbuka erhalawumbeni

nemilanjana ebhudwini.

7Iqulwani etjhisako izakuba sitete

negagadu libe ziiyalo.

Edzabeni labophagana

okuyindawabo yokuphumula,

utjani buzakuba mgaba nekhakha.

8Kuzakuba nendlela evulekileko,

izakubizwa bona yindlela ecwengileko,

abasilapheleko angeze bakhambe lapho,

kodwana izakuba ngeyabantu bakaZimu,

isikhambi angeze sadurha kiyo,

ngitjho nabanganalemuko.

9Akunabhubezi elizaba khona lapho

namkha kuvele kiyo isibandana esidabulako,

angeze zafunyaneka lapho,

kodwana abahlengiweko bazakhamba lapho.

10Iye, abahlengiweko bakaSomnini bazakubuya,

beze eZiyoni ngokujekezela,

ithabo elingapheliko lizakuba sihlohlo sabo;

bazakuzuza ithabo nokwenama,

isizi nokububula kubaleke.

Blog
About Us
Message
Site Map

Who We AreWhat We EelieveWhat We Do

Terms of UsePrivacy Notice

2025 by iamachristian.org,Inc All rights reserved.

Home
Gospel
Question
Blog
Help