Lyfr y Psalmau 147 - Welsh Metrical Psalms by Morris Williams 1850

1Molwch yr Ior, chwi fawr a mân,

Seiniwch i’w Enw beriaidd gân;

O herwydd hardd a hyfryd yw

A gweddus datgan mawl ein Duw.

2Mae ’n adeiladu Salem fry,

Israel a gasgl yn ol i’w Dŷ;

3Rhydd falm i wella ’r galon friw,

A rhwymwr ei doluriau yw.

4Mae ’n rhifo rhif y ser ynghŷd,

Fe ’u geilw wrth eu henwau i gyd;

5Mawr yw ein Duw, a mawr ei rym,

Aneirif yw ei ddeall llym.

6Y llariaidd cyfyd ein Duw mawr,

A dwg y didduw hyd y llawr;

7Dïolchus genwch i Dduw Ner,

Cenwch i Dduw â’r delyn ber.

8Y nef uwch ben a doa ’i law

A chwmmwl i ddarparu ’r gwlaw,

I’w hidlo ar y ddaear gron

Nes byddo ’i bryniau ’n dirf a llon.

9Fe rydd i anifeiliaid byd

Eu bwyd a’u porthiant yn ei bryd;

Mae ’n porthi cywion bach y brain,

Ni ddïystyra gri y rhai ’n.

10Nid hyfryd ganddo gryfder march,

Nid y cyflym‐droed gaiff ei barch;

11A geisio ’i ras yn ofn Duw ne’,

Hwnnw yw ’r dyn a gâr Efe.

12Mola di ’r Ior, Jerusalem,

Sïon, molianna di dy Dduw;

13Barrau dy byth yn gryf a wnaeth,

Rhydd ar dy blant ei fendith wiw.

14Rhydd amlder heddwch yn dy fro,

Diwalla di â brasder grawn;

15Gyr ei orchymyn ar ein tir,

A’i air a red yn fuan iawn.

16Fe rydd fel gwlan ei eira i lawr,

Fe daena rew fel llwch o’r nef;

17Fe fwrw ’i ia ’n dammeidiau fyrdd,

Pwy erys gan ei oerni Ef?

18Enfyn drachefn o’r nef ei air,

A thawdd yn llyn y caled ia;

A’i dyner wynt anadla ’n awr,

A thoddi ’r rhew yn ffrwd a wna.

19Mynega ’i air i Jacob lân,

Ei ddeddf a’i farn i Israel wiw;

20Ni wnaeth fel hyn âg eraill bobl,

Nid adnabuant farnau Duw.