Lyfr y Psalmau 99 - Welsh Metrical Psalms by Morris Williams 1850

1Duw sy ’n Frenhin yn teyrnasu,

Cryna ’r bobloedd ger ei fron;

Rhwng dau Gerub mae ei orsedd,

Ymgynhyrfed daear gron:

2Mawr yn Sïon ei breswylfod,

Uwch na phobloedd byd yw Duw;

3Molant dy fawreddus Enw,

Sanctaidd ac ofnadwy yw.

4Nerth y Brenhin, barn a hoffa;

Pur gyfiawnder a sicrhêi;

Gwaith dy ddwylaw sy gyfiawnder,

Barn yn Jacob lân a wnei:

5O dyrchefwch mewn canmoliaeth,

Enw mawr ein Harglwydd Dduw;

Plygwch oll o flaen ei ’stoldraed,

Pur a glân a sanctaidd yw.

6Moses fwyn ac Aaron sanctaidd

Gyd â’i lan offeiriaid Ef;

Samuel ym mysg y bobloedd

Sy ’n dyrchafu arno ’u llef:

Ar yr Arglwydd y galwasant,

Clybu ei glust o’i Gafell lân;

7Mynych wrthynt y llefarodd

Yn y golofn niwl a thân:

Cadw a wnaent dy deddf a’th farnau,

8Clywit Tithau, Ner, eu cri;

Ac wrth ddïal ar eu beiau,

Etto ’u harbed a wneit Ti. —

9O dyrchefwch mewn canmoliaeth,

Enw mawr ein Harglwydd Dduw;

Ar ei sanctaidd fryn ymgrymmwch,

Pur a glân a sanctaidd yw.