Lyfr y Psalmau 54 - Welsh Metrical Psalms by Morris Williams 1850

1Achub fi, O Dduw, yn d’ Enw,

Barn fi yn dy allu mawr;

2Arglwydd, clyw fi ’n daer yn ymbil,

Gwrando lais fy ’ngweddi ’n awr:

3Canys trawsion a dïeithriaid,

Gan ymgodi ’n llidiog lu,

Heb roi Duw o flaen eu llygaid,

Sydd yn ceisio ’m bywyd cu.

4Wele, Duw sydd yn fy nerthu,

Denfyn gymmorth im’ wrth raid;

O’r rhai oll sy ’n cynnal f’ enaid,

Duw fy Ior sy bennaf blaid:

5Tâl Efe eu drwg amcanion

I’m gelynion cyn bo hir: —

Duw y dïal, tor hwynt ymaith

Oll yn ol d’ addewid wir.

6Ar dy allor yr offrymmaf

Ebyrth gwirfodd it’, fy Nuw;

Canaf itti glod soniarus;

Da yw canmol d’ Enw gwiw.

7O bob trallod, ing a blinfyd

Y’m gwaredodd f’ Arglwydd Cun;

Rhoes i’m llygaid wel’d f’ ewyllys

Ar f’ erlidwŷr trwch bob un.