Lyfr y Psalmau 91 - Welsh Metrical Psalms by Morris Williams 1850

1Yr hwn sy ’n trigo ’n glyd

Yn nirgel nawdd Duw nef,

O hyd yr erys hwn

O dan ei gysgod Ef;

2Fy Nhŵr yw ’r Arglwydd nos a dydd,

A’m holl ymddiried ynddo sydd.

3O faglau ’r heliwr cryf

Y ’th weryd d’ Arglwydd Rhi,

A rhag yr echrys haint

4Cysgoda ’i asgell di:

Dïogel wyt dan adain Nef

Ai wir fydd itti ’n darian gref.

5Ynghanol tywyll nos

I’th ddychryn dim ni bydd;

Nid ofni rhag y saeth

A ehedo ganol dydd,

6Rhag haint y nos na ’i farwol waith,

Na rhag y pla ganolddydd chwaith.

7Wrth d’ ystlys mil a gwymp,

A dengmil wrth dy law;

Ond ni’th niweidia di,

Yn agos it’ ni ddaw;

8Ti a weli ’n unig gospi bai,

A chyfiawn dâl yr anwir rai.

9Am itti wneuthur Ion,

Fy noddfa, sef fy Nuw

Goruchaf itti ’n nawdd

A thrigfan it’ i fyw,

10Niweid na phla ni ddaw, na chri,

Yn agos i dy babell di.

11Fe arch dy Geidwad gwiw

I’w lân angylion fyrdd,

Rhag digwydd anffawd it’,

Dy gadw yn dy ffyrdd;

12A’u dwylaw dygant di ’n ddï‐oed,

Rhag it wrth garreg daro ’th droed.

13Ti fethri ’r ddraig a’r asp

A’r cenaw llew â’th draed:

14Yr Ion, sef Duw dy serch,

Yn nodded it’ a gaed:

Am it’ gydnabod Duw dy Ri,

Dyrchefir a gwaredir di.

15Pan alwo arnaf Fi,

Gwrandawaf ar ei lef;

Gwaredaf ef rhag ing

A gogoneddaf ef;

16Digonaf ef â dyddiau hir,

Dangosaf iddo ’m hiechyd gwir.