Lyfr y Psalmau 60 - Welsh Metrical Psalms by Morris Williams 1850

1Gwasgeraist ni oddi wrthyt, Ner,

Trwy ddigter llym yn llidio:

Ond er it’ wrthym sorri ’n ffrom,

Oh! dychwel attom etto.

2Clwyfaist y byd â’th ddigter mawr,

A daear lawr sy’n gwaedu;

O Dduw, iachâ hi yn ei braw,

Rhag ofn dy law mae’n crynu.

3Trallodion a chaledi blin

A yrraist i’n cyfarfod;

Rhoist yn dy sorriant wrth ein min

Gwppanau gwin madrondod.

4I’r rhai a’th ofnant, Arglwydd Ner,

Rhoist faner gwir ogonedd;

Dyrchafwn hon yn nydd ein llwydd,

O herwydd y gwirionedd.

5O gwared â’th ddehelaw, Ion,

Dy bobl anwylion eiddil;

A gwrando finnau ar eu rhan,

O’th nefoedd, pan bwy ’n ymbil.

6Yn ei sancteiddrwydd meddai Naf,

“Llonychaf, rhannaf Sichem;

A mesur dyffryn Succoth wnaf,

Fe ’i rhoddaf i Gaersalem.

7“Mae Gilead bell yn eiddof Fi,

Manasseh i Mi sy ’n drigfa;

Ac Ephraim yw fy mhennaf wr,

Am deddfwr ydyw Judah.

8“Golchi fy nhraed gaiff Moab ffrom,

Dros Edom f’ esgid taflaf;

Ac ar Philistia falch yn Ben,

Yn llawen gorfoleddaf.”

9Pwy ’m dwg i’r gaerog ddinas draw?

Pwy yn fy llaw a’i dyry?

Pwy im’ a ddaw ’n arweinydd mad

Hyd Edom wlad i’w threchu?

10Ai nid Tydi, yr Hwn, O Ner,

A’n troist dros amser heibio,

Ac nid ait allan gyd â’n cad

Yn Noddwr mad i’n helpio?

11O moes i ni gynhorthwy ’n awr

Rhag caled awr cyfyngder;

Bydd inni’n darian ac yn dŵr,—

Mae cymmorth gwr yn ofer.

12Gwrolwaith gwych yn Nuw a wnawn,

Ei nerth a gawn i’n diffyn;

Canys Efe mewn munud awr

A fathra i lawr y gelyn.