Lyfr y Psalmau 14 - Welsh Metrical Psalms by Morris Williams 1850

1“Nid oes un Duw,” medd tyb y ffol;

Mae hynny ’n ol ei frynti;

Llygredd ffieidd‐waith yw eu moes,

Nid oes a wnel ddaioni.

2O’r nef i lawr edrychodd Ion

Ar feibion dynion daear,

I wel’d oedd neb yn ceisio Duw,

Na neb yn byw ’n ddeallgar.

3Ciliasai pawb; oedd frwnt eu gwedd

Mewn llygredd a budreddi:

Yn y byd crwn nid oes un da

Nac un a wna ddaioni.

4Ac oni ŵyr gweithredwŷr drwg,

Y rhai mewn gwg a ddifant

Fy mhobl, fel bwytta bara, ’n fyw,

Ond ar eu Duw ni’s galwant?

5Ond ofn er hyn a’u daliodd hwy,

Aeth dychryn drwy eu calon;

Gwelsant fod Duw a’i rym, wrth raid,

Gerllaw, o blaid y cyfion.

6Cyngor y tlawd, a llef ei gri,

A droisoch chwi ’n waradwydd;

Am fod ei obaith yn Nuw Ner,

A’i hyder yn yr Arglwydd.

7Pwy, pwy a weryd Israel gaeth,

Pwy rydd achubiaeth iddo,

O fynydd Sïon uwch y ser,

Lle mae Duw Ner yn trigo?

Pan ddychwel Duw gaethiwed llym

Ei bobl â grym ei allu,

Mawr fydd llawenydd Jacob wiw,

Bydd Israel Duw ’n crechwennu.