Lyfr y Psalmau 125 - Welsh Metrical Psalms by Morris Williams 1850

1Y Sawl a gredant yn Nuw Ion

Fel mynydd Sïon safant;

A saif heb syflyd byth o’i sail;

I hwnnw ’n ail y byddant.

2Fel Salem lwys a’r bryniau ’n gylch

Fel mur o’i hamgylch bythol;

Felly ein Duw sy ’n gylch di‐lyth

A mur dros byth i’w bobol.

3Ni orphwys ffon yr anwir cas

Ar randir fras yr union,

Rhag iddynt estyn yn eu braw

At ddrwg eu llaw ’n anghyfion.

4I’r rhai daionus, Arglwydd mad,

Anfon dy rad drugaredd;

I’r rhai sy ’n uniawn yn eu nod,

O galon, dod ymgeledd.

5Gyrr Duw y rhai sy ’n troi yn ol

At bechod ffol yr eiltro,

Gyd â gweithredwŷr drwg; a’i hedd

A ddyry ’n wledd i’r eiddo.