Lyfr y Psalmau 97 - Welsh Metrical Psalms by Morris Williams 1850

1Duw Naf yw Brenhin mawr y byd,

Llawen fo ’r ddaear gron i gyd,

A holl ynysoedd eigion môr:

2Tywyllwch dwfn o’i amgylch sy,

Uniondeb a chyfiawnder fry

Yw trigfod a gorseddfa ’r Ior.

3O flaen ei wedd y flammia ’r tân,

A’i holl elynion llysg yn lân;

4Llewyrcha ’i fellt derfynau ’r byd:

Gwelodd a chrynodd daear lawr,

5A cher bron wyneb y Duw mawr

Fel cŵyr y tawdd y bryniau ’nghyd.

6Mynega ’r nef gyfiawnder Duw,

A gwêl y bobloedd hardded yw,

Mor dra gogoned yn y nef.

7Gwarthrudder gweision duwiau gau,

A fostiant mewn eilunod brau; —

Y duwiau oll, addolwch Ef.

8Fe glybu Sïon hyn,

A merched Judah, ’n llon,

O herwydd barnau ’th ras;

9Wyt uwch na ’r ddaear gron:

Wyt uwch nag uchder uwcha ’r byd,

Ym mhell uwch law y duwiau i gyd.

10Chwychwi sy ’n caru ’r Ion,

Casêwch ddrygioni cas;

O law ’r annuwiol ddyn

Y gweryd Ef ei was:

11Hauwyd i’r uniawn lewyrch dydd,

Llawenydd i’r cyfiawnion fydd.

12Chwychwi sy ’n gyfiawn oll,

O byddwch lawen iawn

Yn Nuw a’i ryfedd ras

Foreuddydd a phrydnhawn:

Moliennwch beunydd Arglwydd nef

Wrth goffa ’i bur sancteiddrwydd Ef.