Lyfr y Psalmau 88 - Welsh Metrical Psalms by Morris Williams 1850

1O’th flaen, O Dduw fy iechyd,

Y gwaeddais nos a dydd;

2Doed ger dy fron fy ngweddi,

Rho glust i’m llefain prudd:

3Mae ing a blinder calon

Yn llenwi ’r enaid mau.

A’m heinioes wan sy ’n brysur

I’r beddrod yn nesâu.

4Fel marw y’m cyfrifwyd

Yn ddinerth yn y bedd,

5Yn rhydd ym mysg y meirw,

Fel corphyn gwael ei wedd,

Yn ail i laddedigion

A gawsant farwol glwy’;

Oddi wrth dy law fe ’u torrwyd,

Eu gwedd ni ’s cofir mwy.

6Yn nyfnder pwll y fagddu

Yn isel rhoddaist fi;

7Mae ’th lid yn orthrwm arnaf

A’th donnau ’m blinaist Ti.

8I’r rhai o’r blaen a’m hoffent

Ti ’m gwneist yn ffiaidd iawn;

Mewn carchar y’m gwarchaewyd

Fel allan mwy nad awn.

9Gan gystudd y gofidiodd

Fy llygaid yn fy mhen;

Ond llefais beunydd arnat,

A’m dwylaw tu a’r nen.

10Ai i’r marwolion isod

Y gwnei ryfeddod fawr?

A godant hwy i’th ganmol

O ddistaw lwch y llawr?

11Ai yn y bedd y traethir

Dy drugareddau Di?

Ai yn ardaloedd distryw

Y’th folir, Arglwydd Rhi?

12A wypir mewn tywyllwch

Dy ryfeddodau ’n well?

A gofir dy gyfiawnder

Yngwlâd yr anghof pell?

13Ond arnat Ti y llefais,

A’m dwylaw, Ion, ar daen;

Yn fore glas yr achub

Fy ngweddi brudd dy flaen:

14Pa’m y gwrthodi f’ enaid

Gan guddio ’th rasol wedd?

15Truenus iawn wyf, Arglwydd,

Ar drangc, ar fin y bedd.

’Rwy ’n d’ ofni er yn blentyn,

Petrusais gan fy nghri;

16Aeth ffrwd dy sorriant drosof,

A’th fraw a’m tarfodd i;

17Fel dyfroedd y’m cylchynant

Yn llif ar hyd y dydd;

18Ym mhell rhoist gâr a chyfaill

Oddi wrth fy enaid prudd.