Lyfr y Psalmau 49 - Welsh Metrical Psalms by Morris Williams 1850

1Clywch yr addysg hon, genhedloedd,

A gwrandêwch, holl bobloedd byd;

2Doed yr isel a’r bonheddig,

Goludog a thylawd ynghyd:

3Traetha ’m genau ddoeth athrawiaeth

O fyfyrdod dwfn fy mron;

4Traethaf ddammeg gyd â’r delyn,

Gwyra ’m clust i wrandaw hon.

YR AIL RAN

5Pa’m yr ofna f’ enaid gwirion

Pan ddêl arno flinder du,

Pan ddêl bradwŷr traws o’m hamgylch

I’m disodli i lawr yn llu?

6Ar eu cyfoeth rhônt eu hyder,

Bostiant yn eu golud mawr,

7Er na’s gweryd neb o honynt

Byth mo ’i frawd am funud awr;

Am na’s gallant dalu drosto

Bris nac iawn i’r Duw di‐lyth;

8(Drud yw gwerth a phris yr enaid,

Pery ’n ddrud ei bridwerth byth;)

Nid oes iawn na phris na phryniad

A geidw ddyn rhag angau trwch,

9Fel na welo lygredigaeth

Yn nhrigfannau ’r pridd a’r llwch.

10Doeth ac ynfyd heb ragoriaeth,

Meirw y maent, y call a’r ffol;

Ac i eraill y gadawant

Swm eu cyfoeth ar eu hol:

11Tybiant y parhâ ’n dragywydd

Eu neuaddau teg bob un;

Tiroedd llydain eu treftadaeth

Henwant ar eu henw ’u hun.

12Etto dyn mewn bri nid erys,

Gwywa ’i degwch ef a’i dŷ;

Syrth o’i fawredd, fel anifail,

I briddellau ’r ddaear ddu.

13Hon yw ynfyd ffordd eu rhodiad,

Hynt eu buchedd yn y byd;

Etto boddlon yw eu heppil

Ffol i’w geiriau hwynt i gyd.

14Megis praidd wrth ochrau ’u gilydd

Y’u gosodir yn y bedd;

Angau du a’u bwytty ’n ymborth,

Angau du a’u caiff yn wledd.

Y rhai cyfiawn yn y bore

Llywodraethant arnynt hwy;

Derfydd yn y pridd eu tegwch,

Heb na thŷ na chartref mwy.

Y DRYDEDD RAN

15O feddiant uffern Duw i’m plaid

A weryd f’ enaid egwan;

O waelod bedd, y pridd, a’r gro,

Fe ’m derbyn atto ’i Hunan.

16Er cyfoethogi neb rhyw ddyn,

Er bod ei dŷ ’n ehangach,

A’i nen yn uwch — nac ofna di,

Nid yw ei fri ond sothach.

17Dim gyd âg ef ni’s dwg efe

Pan fyddo ’i oes e’ ’n darfod;

Ni ddilyn ei ogoniant mawr

Mo hono i lawr y beddrod.

18Bendigo ’i enaid gynt a wnaeth,

Cyn teimlo ’r saeth angeuol;

Bydd dithau dda i ti dy hun,

A phawb yn un a’th ganmol.

19Dygir ef gan yr angau trwch

I’r bedd at lwch ei dadau;

Ac ni chaiff weled îs y llawr

Na dydd, na gwawr, na golau.

20Dyn mewn urddasol fri di‐wall,

Heb fuchedd gall synhwyrol,

Er uched yw, nid yw ond ail

I’r gwael anifail trengol.