Lyfr y Psalmau 15 - Welsh Metrical Psalms by Morris Williams 1850

1Pwy, Arglwydd, a drig yn dy babell,

Pwy breswyl ynghafell dy Dŷ;

Ym mynydd dy Sïon sydd isod,

Ac yn dy breswylfod sy fry?

2Y sawl sydd yn berffaith ei rodiad,

A’i gyson ymddygiad yn dda;

A ddywed y gwir yn ei galon,

A’r hyn sydd yn union a wna.

3Nid ethryd â thafod celwyddog

Mo ’i wirion gymmydog na’i waith;

A’i glustiau gan arall ni dderbyn

Ddim enllib i’w erbyn ychwaith;

4Yr hwn a ffieiddia ’n ddirmygus

Y rhai sy ’n ddrygionus i gyd;

Gan barchu pob dyn sydd yn ofnwr

Creawdwr a Barnwr y byd.

Os tyngodd ef unwaith â’i enau,

Fe saif at ei eiriau bob un,

Er bod ei lw ehud yn niwaid

A cholled i’w enaid ei hun;

5Nid arfer usuriaeth; ni chymmer

Byth wobr am roi chwer’der neu glwy’

I’r gwirion. A wnel hyn yn gywir,

Yn wir ni symmudir ef mwy.