Lyfr y Psalmau 94 - Welsh Metrical Psalms by Morris Williams 1850

1Duw ’r dïal, ymddisgleiria ’n llym,

2Ymddyrcha, Farnwr mawr y byd;

Duw’r dïal, ymddisgleiria ’n awr,

I’r beilchion tâl eu gwobr i gyd.

3Pa hyd y caiff y didduw, Ior,

Pa hyd y cânt orfoledd llon,

4Gan siarad geiriau celyd balch,

Ac ymfawrygu ger dy fron?

5Dy bobl a ddrylliant, Arglwydd Dduw,

Cystuddiant d’ etifeddiaeth brid;

6Y weddw a’r dïeithr lladd a wnant,

A’r tlawd ymddifad yn eu llid.

7Dywedant hefyd, “Ni wêl Ion,

Duw Jacob nid ystyria ni;”

8Ystyriwch, ffyliaid! Oh pa bryd,

Annoethion, y deallwch chwi?

9Oni chlyw ’r Ion, yr Hwn a roes

Y glust i ddynion yn ei lle?

Yr Hwn a luniodd lygad dyn

I weled, oni wêl Efe?

10Ai ni ’s gall Cospwr pobloedd byd

Geryddu bai, ac Yntau ’n Dduw?

Ac oni ŵyr Dysgawdwr dyn? —

11Gŵyr feddwl dyn, mai ofer yw.

12Gwỳn fyd, Ior, a geryddech Di,

I’w ddysgu ynghyfreithiau ’th ras;

13Llonydd a gaiff yn nyddiau drwg,

Nes cloddio ffos i’r anwir cas.

14Ei etifeddiaeth lân ei Hun

A’i bobl ni ’s gwrthyd Arglwydd nef:

15Dychwel Cyfiawnder pur i farn,

A’i uniawn gwmni gyd âg ef.

16Pwy, pwy a gyfyd gyd â mi

Yn erbyn y drygionus rai?

A phwy a saif yn blaid o’m tu

Yn erbyn gweithwŷr trais a bai?

17Oni buasai i Dduw Ion

Fod immi ’n nerth a chymmorth clau,

Ym mro distawrwydd angau du

Braidd na thrigasai ’r enaid mau.

18Pan waeddais, “Llithrodd, Ior, fy nhroed,”

Cynhaliwyd f’ enaid gan dy ras;

19Yn amledd fy meddyliau trist

Dy gysur Di sy ’n llonni ’th was.

20Arglwydd, a gymdeithasi Di

A gorsedd draws anwiredd gau,

Sy ’n llunio brad a thrais a cham

Yn gyfraith gadarn i barhâu?

21I dreisio ’r cyfiawn dônt yn llu,

Yn euog barnant wirion waed;

22Ond llechaf dan amddiffyn Duw,

Mae ’n nawdd a chraig o dan fy nhraed.

23Dychwel Efe, trwy gyfiawn farn,

Eu camwedd ar eu pen eu hun;

Ac yn nrygioni eu hamcan traws

Ymaith ein Duw a’u tyr bob un.