Lyfr y Psalmau 111 - Welsh Metrical Psalms by Morris Williams 1850

1Clodforaf byth yr Arglwydd Ion,

Ef â’m holl galon molaf;

I’w Enw ynghymmanfa ’r Saint

Trwy rasol fraint y canaf.

2Mawr yw ’th weithredoedd, Arglwydd gwâr,

A phawb a’u câr, a’u ceisiant:

3Dy iawnder pur hyd byth a dardd,

A’th waith sy’n hardd ogoniant.

4Gwnaeth gofio ’i drugareddau gwiw,

Trugarog yw a grasol;

5I bawb a’i hofnant ymborth cair,

Fe gofia ’i air byth bythol.

6I bobl ei ras mynegodd Ner

Rymmusder ei weithredoedd;

A rhoi i’w meddiant hwy a wnaeth

Dreftadaeth y cenhedloedd.

7Gwirionedd pur a ffyddlon farn

Yw gwaith ei gadarn wyrthiau;

Sicr a sefydlog yw dros byth

Ei air a’i ddilyth ddeddfau:

8Byth yn dragywydd fe ’u sicrhâed,

Yn iawn fe ’u gwnaed, a ffyddlawn;

Sefydlog ydynt a di‐goll,

A chywir oll ac uniawn.

9Cymmorth i’w bobl anfonodd Ef

O’i ’ddewid gref drag’wyddol;

Arswydwn oll ei Enw mwy,

Ofnadwy a sancteiddiol.

10Dechreu doethineb yw ofn Duw;

Deallus yw a’i hofnant,

Gan ufuddhâu i’w ddeddf ddi‐lyth:

Fe bery byth ei foliant.