Lyfr y Psalmau 33 - Welsh Metrical Psalms by Morris Williams 1850

1Ymlawenhewch, rai cyfiawn glân,

Yn Nuw, â chân soniarus;

I’r cyfiawn galon ac i’r sawl

Fo ’n uniawn, mawl sy’ n weddus.

2Yr Arglwydd Dduw a’i ras fel hyn

Ar dannau ’r delyn molwch;

I foli Duw, y nabl yn glau

A deg o dannau dygwch.

3O cenwch fawl i’r Arglwydd Dad

Mewn newydd ganiad llafar;

Datgenwch iddo foliant llawn,

Soniarus iawn a cherddgar.

4Dywedwch am yr Arglwydd Dduw,

Mai uniawn yw ei eiriau;

A holl weithredoedd rhyfedd Ner

Sy lawn ffyddlonder hwythau.

5Mae ’r Arglwydd Ion yn hoffi barn,

Uniondeb cadarn ffyddlawn;

Ac o’i drugaredd Ef yn awr

Mae daear lawr yn gyflawn.

YR AIL RAN

6Galluog air gwefusau ’r Ior

Fu gynt yn llunio ’r nefoedd;

A thrwy ei Yspryd Ef a’i nerth

Y gwnaed eu prydferth luoedd.

7Mae ’n casglu dwfr y môr ynghyd

O gylch y byd yn bentwr;

Ac mewn trysorau ceidw i lawr

Y dyfnder mawr ei gynnwr’.

8Y ddaear oll, y tir a’r môr,

O flaen yr Ior ymgrymmant;

Y byd a phawb sydd ynddo ’n byw,

Yr Arglwydd Dduw arswydant.

9“Bydded,” medd Duw — ac felly fu,

A hwythau ’n llu a grewyd;

Pan orchymynodd Duw y gwaith,

Y bydoedd maith a luniwyd.

Y DRYDEDD RAN

10Yn gwbl a llwyr diddymma ’r Ion

Gynghorion y cenhedloedd;

Ac â’i ddoethineb rhwystra ’n glau

Fwriadau cyfrwys pobloedd.

11Cyngor ein Harglwydd Dduw di‐lyth

A saif dros byth trwy ’r oesoedd;

Fe saif ei holl amcanion Ef

Tra safo nef y nefoedd.

12Y genedl y bo ’i Duw yn Dduw,

Mor ddedwydd ydyw honno!

Ei ddewis bobl, y rhai a wnaeth

Yn etifeddiaeth iddo!

Y BEDWAREDD RAN

13Edrychodd Duw o’r nef i lawr,

A’r ddaear fawr a welodd;

Ar feibion dynion îs y nef

Ei lygaid Ef a graffodd.

14O’i nefol drigfa gwel bob awr

Y ddaear lawr a’i phobloedd;

15Cyd‐luniodd eu calonnau oll,

A gŵyr eu holl weithredoedd.

16Ni chedwir brenhin gan ei lu

Rhag angau du na phoenau;

Ni ddïangc chwaith y grymmus gawr

Trwy gryfder mawr ei freichiau.

17Ofer yw march yn nydd y gad

I roi llesâd na nodded;

Nid achub hwnnw, er mor gryf,

Mo ’i farchog hyf rhag niwed.

Y BUMMED RAN

18Dros bawb sy ’n ofni ’r Arglwydd Ner,

Gan roi eu hyder arno,

Mae llygaid ei drugaredd Ef

O entrych nef yn gwylio.

19Rhag angau ceidw ’n henaid cu,

Rhag angau du fe ’n gwared;

20Disgwyliwn wrth ein Harglwydd Dduw,

Ein cymmorth yw a’n bwcled.

21Yn Nuw o’n calon llawenhâwn,

Gorfoledd llawn sy ’n eiddom;

Mae ’n gobaith yn ei Enw gwir,

Byth, byth ni siommir mo’nom.

22O Dduw, dy gariad pur di‐lyth

Poed arnom byth yn nodded,

Megis mai arnat mae ’n bryd oll,

Ein serch a’n holl ymddiried.