1Da ’n wir i’w Israel bur ei Hun,
I’r glân o galon, yw ’r Duw mawr: —
2Er hynny braidd na thripiais i,
Bu ’m traed ym mron a llithro i lawr.
3Canys tramgwyddais wrth y ffol,
Pan welais lwydd yr anwir hyf;
4Ni ’s rhwymir gan angeuol boen,
A’u nerth sy fywiog iawn a chryf.
5Fel eraill ni ’s cystuddir hwy,
Ni ’s poenir gyd â dynion byd;
6Am hyn cadwynodd balchder hwynt,
A thrawsedd yw eu gwisg i gyd.
7-8Gan falchder chwydda ’u llygaid llawn,
Mewn llygredd soniant am eu trais;
Ymchwydda ’u calon falch ei bryd,
Uchel gan ryfyg yw eu llais.
9Eu tafod sydd yn erbyn nef,
A’u geiriau trwy ’r holl ddaear ant;
10Am hyn y dychwel yma ’i bobl,
A phïol lawn wasgedig cânt.
11“Pa fodd y gwel yr Uchel Dduw,”
Meddant, “Pa fodd y gŵyr yr Ior?”
12Fel dyma lwydd anwiriaid byd,
Ar gynnydd fyth mae ffrwyth eu ’stôr.
YR AIL RAN13“Yn ofer iawn y purais i,
Gan hynny, frynti ’r galon fau;
Ofer oedd golchi ’m dwylaw ’n bur,
A gwagedd ydoedd ymlanhâu:
14“Ar hyd y dydd y’m maeddwyd i,
Bob bore cospid fi ’n ddi‐nam:” —
15Na! pe dywedwn felly, Ner,
A thylwyth dy blant Di gwnawn gam.
16Pan geisiais ddirnad hyn yn iawn,
Blin im’ ac anhawdd oedd y gwaith;
17Nes aethum i sancteiddle Duw, —
Deallais yno ben eu taith.
18Duw! gwelaf it’ eu gosod hwy
Mewn llwybrau llithrig, sythion, serth,
Er mwyn eu cwympo i lawr yn gynt
I ddyfnder aphwys distryw certh!
19Mor chwim ar goll yr aethant hwy,
Anial a diffaith ar bob llaw!
Pallasant, diflannasant oll,
Diffoddwyd hwy gan ofn a braw!
20Fel breuddwyd, pan ddeffrôer o gwsg,
Yn diffodd, fel na ’s cofier mwy,
Felly, O Arglwydd, pan ddeffrôech,
Y gwawdi Di eu delw hwy.
21Fel hyn y galon fau oedd drist,
Fel hyn y’m pigwyd yn fy mron;
22Mor ynfyd ac heb wybod dim,
Anifail oeddwn ger dy fron!
Y DRYDEDD RAN23Etto ’rwy ’n wastad gyd â Thi,
Pa ddrwg, pa niweid im’ a ddaw?
I’m tywys yn dy sanctaidd ffyrdd
Ymeflaist yn fy nehau law.
24Tra byddwyf isod yma ’n byw,
A’th gyngor y’m harweini ’n glau;
Ac yna i ogoniant nef
Ti a gymmeri ’r enaid mau.
25Pwy, pwy sy gennyf ond Tydi,
Fy Nuw, o fewn y nefoedd fawr?
A chyd â Thi ni fynnwn byth
Neb arall ar y ddaear lawr.
26Fy nghnawd a’m calon pallu wnant,
Ond nerth fy nghalon yw fy Nuw;
Fy rhan drag’wyddol yw Efe,
Fy rhan i farw ac i fyw.
27Canys difethir pawb a ant
O’th lwybrau glân ym mhell ar ŵyr;
Pawb a butteinio oddi wrthyt Ti,
Distrywiaist hwynt â’th lid yn llwyr;
28Minnau, nesâu at f’ Arglwydd Dduw
Sy dda, sy felus iawn mi:
Mae ’m gobaith yn yr Arglwydd Ior,
I draethu ’th holl weithredoedd Di.
Who We AreWhat We EelieveWhat We Do
2025 by iamachristian.org,Inc All rights reserved.