Lyfr y Psalmau 46 - Welsh Metrical Psalms by Morris Williams 1850

1Nerth a nodded mewn cyfyngder,

Cymmorth hawdd ei gael yw Ior:

2Pe symmudai cylch y ddaear,

Ped âi ’r creigiau i ddyfnder môr,

Nid arswydwn;

Duw sy nodded in’ a nerth.

3Er terfysgu dwfr yr eigion,

Er ei ruad croch a’i lef,

Er i graig a mynydd grynu

Gan ei ruthr a’i ymchwydd ef, —

4Wele afon

Loyw ’n llonni dinas Duw.

Sanctaidd ddinas y Goruchaf,

Glân breswylfod iddo i fyw;

5Duw sy ’n wastad yn ei chanol,

Fore glas fe ’i helpa Duw;

Byth nid ysgog,

Byth ni syfla caerau hon.

6Er ysgogi ’r hen deyrnasoedd,

Er terfysgu ’r bobl ynghyd;

Etto pan lefarai ’r Duwdod,

Wrth ei lef y toddai ’r byd:

7Duw y lluoedd,

Arglwydd Jacob in’ sy ’n blaid.

8Deuwch, gwelwch waith yr Arglwydd; —

Fe anrheithiodd ddaear gron;

9Gwnaeth i drwst y gad ddistewi,

Torrodd nerth y wayw‐ffon;

Dryllia ’r bwa,

A’r cerbydau llysg â thân.

10Tewch, a pheidiwch, a gwybyddwch

Mai Myfi, Myfi, sy Dduw;

Mawr yw f’ Enw ym mysg y bobloedd,

Uwch na ’r nef a’r ddaear yw. —

11Duw y lluoedd,

Arglwydd Jacob in’ sy ’n blaid.